بودرة الجسم السحرية

جميله و متعددة الأغراض ومفيدةو هقولكم كذا استخدام ليها
..تنفع فى البيت ومراكز الساونا و الحمامات و مراكز التخسيس..بصراحة جميله
و مجربه كمان ..دايما انصح بيها لاعبى الرياضات اللى بتجهد وبعد التريننج
..وبعد الرجوع من العمل مع الشور ...تعالو نشوف بيتكون من ايه ...وبيشتغل
فى ايه ..
يتكون من التالى:
ملء فنجان ملح بحرى ..ولو املاح البحر الميت الأصليه يبقى كويس
ملء 2 فنجان بيكنج بودر
ملء فنجان ملح انجليزى وده هتلاقوه فى الصيدليات و رخيص جدا
معلقة كبيرة جلسرين لكل مرة شور
خمس نقاط زيت اللافندر العطرى او الريحان العطرى برضو لكل شاور
*اخلطى المواد الصلبه ..البودرة يعنى ..وضعيها فى بطرمان زجاجى محكم الغلق ..
**استخدمى
ربع فنجان من المخلوط فى ماء الاستحمام مع تذويبه ...استرخى فى مياه الشور
المذاب فيها الاملاح ..بفرض ان سيادتك من الزمالك وعندك بانيو ((مع
الاعتذار للأهلويه )) هههههه..ظريفة مش كدة
*اضيفى الجلسرين و نقاط
الزيت العطرى للشاور نقطة نقطة ...و استمتعى بشاور محصلشى ...هذا الشاور
يمتص التوكسينز من الجسم ..المواد السامة يعنى ..و يرخى العضلات ...وكذلك
الزيوت العطريه ..و الجلسرين للترطيب
*استخدمى المخلوط الجاف ...معلقة
مع عصير ليمونة ...واكحتى ..قصدى افركى ..المناطق الخشنة فى الركبتين و
الكوعين و تمتعى باسكروب راااااااائعو مبيض كمان
*اذيبى معلقة كبيرة فى
كمية ماء كافيه لوضع قدميك ..انقعى قدميك عشر دقائق ...هذا يخلصك من التعب
و كذلك رائحة القدم السيئة ..و الفطريات كذلك
*ضعى كمية بسيطة على اللوفه وبلليها او اضيفى لها قليل من الشاور جل ..واكحتى ..قصدى افركى جسمك بها ...نعومة محصلتشى
*دلكى بالمحلول المذاب فيه التركيبة اماكن التقلصات اعنى العضلات و استمتعى بمزيل للتقلص سهل و جميل

لتطويل الرموش وحكيمو مبيهموش

كانت اخت فاضلة طلبت منى تركيبة لعلاج تساقط الرموش
و تطويلها ...طبعا عاوز اقول ان احد اسباب تساقط الرموش هى القشرة اللى
قلنا قبل كدة ان سببها فطر على ارجح الاقوال ...يعنى لازم حضرتك تعالجى
الفطر ده ..علشان نتخلص من القشرة وهوة طبيعى سينمو تلقائيا ويصبح زى منتى
عاوزاه ..طبعا احيانا فعلا بيبقى ضعيف النمو او قصير ...احيانا يكون السبب
نقص فيتامينات ودى حالة متكررة و كتيرة ...طبعا ينصح معها بتناول
الفيتامينات و لله الحمد الخضروات و الفواكه غنيه بمعظم الفيتامينات
المفيدة للعين و الرموش و الجلد ..ولذا انصح بالاكثار منها لانها مفيدة
علاجيا و تجميليا جدا ....حتى ان نصائح اكبر عشابى العالم ((قاتل من اجل
خمس حصص من الخضروات )) اى خمس وجبات يوميا من الخضروات و الفواكه
المختلفه ...
اليوم جبت لكم برنامج لتطويل وتكثيف الرموش ...اكيد بعضكم عارف بعضه ..بس طبعا فى زيادة منى مجربه ...وحكيم زمانه عنده كل جديد..
يتكون البرنامج من الآتى :
*ملعقة
كبيرة عشبة القمح مطحونه ...وعشبة القمح دى لها عجائب و فرائد واكيد
حضراتكم قريتو عنها او استمعتو للدكتور الرائع جميل القدسى دويك احد
المتخصصين فى اطعمة و اشربه القرآن ...وانا شخصيا اعتبره افضل من تكلم فى
الطب البديل ...لانه عنده خلفيه طبية كونه طبيب..وباحث ممتاز فى هذا
المجال ..عشبة القمح هى النبات الاخضر بتاع القمح الاجزاء الهوائيه يعنى
بعد انباته وظهور الكلوروفيل بعشرة ايام على الاكثر
*مخلوط من الزيوت الآتيه
زيت الخروع 15 مل
زيت الجزر 5 مل
زيت الزيتون 5 مل
الطريقة
: ركزى معايا ....نغلى كوب ماء و نسكبه على عشبة القمح المجففة المطحونة
.....وتترك حتى تبرد ....خدى سيادتك قطنه نظيفه ...وتعملى كمادات مبلله
للقطنة على الجفن العلوى و السفلى ..يعنى غمضى وحطى القطنة المبللة قوى
..دقيقة و شيليها وكررى العين التانيه ...نعمل كدة مثلا ربع ساعه ..
*نخلط
الزيوت كويس و نضعها فى زجاجة شيك ..وبماسكارا ((بالكاف)) نستخدم الخليط
زى مبتستخدمى الماسكارا بالظبط ((برضو بالكاف )) خدتو بالكو مره صباحا و
مساء او مساء لو الصبح مش فاضيه ...
*استمرى على ذلك شهر .....و لاحظى الفرق
**هذا
البرنامج فعلا ممتاز وعشبة القمح فيها كم من الاحماض الامينية البروتينات
يعنى اظنها السبببف ى اطاله الرموش و تكثيفها ..والزيوت خلطة مبتكرة و
رائعة لذلك

لوسيون حكيمو الرهيب لمنع سقوط الشعر

دى تركيبة لوسيون مانع لتساقط الشعر و منبت للشعر
و مضاد للتساقط و مكثف للشعر ....طبعا مع الالتزام بالاسس اللى ذكرتها
اكتر من مرة للحفاظ على شعر جذاب ...يطير فى الهواء ..بس يرجع تانى يعنى
ومازال الشعر ..مستمرا ..طبعا هتقولو لى نجيب الخلاصات منين ...باذن الله
قريبا جدا هوفرلكم كل الخلاصات دى مطابقة للمواصفات ..بس ادعولى ...وحاولو
الحصول عليها من مكان معتمد لحد موفرها لكم باذن الله
يتكون اللوسيون من الآتى :
*خلاصة الأملج 25%
خلاصة البالميت المنشارى25%
خلاصة الروزمارى25%
خلاصة عرق السوس 25%
اخلطى
الخلاصات جيدا ...عبيها فى زجاجة معتمة و استخدميها يوميا دلوكا للفروة
....وهبقى اعمل لكم فايل كدة ازاى تعتنى بشعرك من كل الجوانب لان الدهانات
دى جزء من النظومة الحياتيه المطلوبه لشعر و جلد و صحة متزنه ....وسليمة ..