Translate

السبت، يناير 09، 2010

موسوعة((الطبيعة و جمال بشرتك))-8




كلامنا اليوم عن اخر مكونات البشرة وطبقة الديرمس وهية منابت الشعر وبصيلاته وغلافه ..و نمو الشعر من هذه الطبقة وخروجه للحياة يتم فى مراحل ببساطة كدة جدا اى شعروة تمر بتلات مراحل ..مرحلة نشاط ودى اللى بتنمو فيها الشعرة لحد ما تصل لاقصى نمو وطول ..ومن الجميل انها هذه المرحلة تختلف من مكان لمكان فى الجسم والا كان شعر الجسم فى المرأة كان هيبقى زى شعرراسها ومتهيألى ساعتها ليلتها هية اللى كانت هتبقى زى شعر راسها ومتهليألى مفيش ست بتحلم بكدة..المفيد جدا ان حضرتك تعرفى ان المرحلة دى نفسها بتختلف من واحدة لواحدة ودة بيفسر التفاوت بين طول شعر حنان وريهام ..لان مدة المرحلة دى فى ريهام اكبر من حنان ..فمتزعليش يا حنان فمهما حطت حنان كريمات وزيوت مش ممكن شعرها يبقى طول شعر ريهام ..وده من الحاجات اللى العلم بها مفيد زى مقلنا ...المرحلة التانية مرحلة الكمون بضم الكاف طبعا..ودى مرحلة التوقف عن النمو وثبوت الوضع استعدادا للرحيل..ثم يأتى المصير المحتوم المكتوب على كل مخلوق لتخرج الشعرة دى من عالم الحياة ليحل محلها شعرة اخرى فى نفس المكان من نفس البصيلة الام كانت فى بداية طور النمو حينما كانت اختها فى طور الكمون ..فسبحان الذى كل شىء هالك الا وجهه...
فهل للشعر الذى ينمو فى بشرتى فوائد؟؟؟ وهل الشعر حى أم ميت ؟؟ بكرة باذن الله الاجابة علشان بعدها ندخل فى المتين المفيد اللى اتمنى تركزوا معايا فيه
تحياتى
د.حكيم


ليست هناك تعليقات:

إرسال تعليق