بدات قصة هذه التركيبة ..برجل مريض اجرى عمليه فى مجرى البول...استئصال و جراحة وما سواه من لعب فى الاحشاء من غير كورة...الحمد لله العمليه نجحت ...وخرج الراجل من المشفى ..وكالعادة كتب له عدد من المضادات الحيوية القوية للسيطرة عى اى تلوث بكتيرى فى منطقة الجراحة ...ولكن عبثا حاول الاطباء السيطرة على الحرارة نظرا لتلوث الجرح البكتيرى ..وتم تغيير المضاد الحيوى عدة مرات للحد من مقاومة البكتيريا ..ولكن استمرت الحرارة ترتفع و تنخفض كمؤشر على استمرار المشكلة المهم الراجل ده انا اعرفه ...وطلبوا منى تركيبة للحد من العدوى و قتل البكتريا و السيطرة على الموقف .....طبعا عالم الأعشاب ملىء بمضادات البكتريا ومزيدات المناعة ....وطبعا ده موضوع عاوز حوار كبير لوحده ..وباذن الله هعمل سلسلة للاعشاب حسب التصنيف و هخلى قسم الاعشاب المضادة للبكتريا ..بس طبعا فى هذه الحالات احنا مش هنجرب احنا بندى اقوى مضاد حسب علمنا ...والباقى على ربنا بقى ...
لو سالتكم سؤال ...ايه تتخيلو اقوى مضاد حيوى عشبى ؟؟؟طبعا ستتعدد الاجابات و تتنوع الاقتراحات ...ولكن انا واثق ان مفيش و لا واحد يقول انه ....ورق الزيتون الناس عمالة تشترى كبسولات خلاصات مستوردة اشى اشينيسيا واشى ختم الذهب و اشى استراجالس واشى برباريس وغيره وغيره ...واحنا عندنا ورق الزيتون مالى الدنيا بس احنا دايما زى القرع ...نمد لبرة ...
علشان يكون فى المعلوم ان ورق الزيتون يحتوى على مادة اسمه ((اليوروبن))ودى من اقوى و اشرس و اعنف مضادات الاكسدة و البكتريا و الفطريات ...وقريب جدا كان فى مظاهرة فى اليونان من اجل ورق الزيتون ...مظاهرة؟؟؟آه مظاهرة عاوزين ورق الزيتون يدخل فى قائمة الغذية و الادوية المصرح بتداولها قانونيا ..مادة الاليوربن دى من فصيلة اسمها ((البولى فينولز))ودى حكاية لوحدها ..والله نفسى اعمل ملف كامل عن ورق الزيتون و اعاجيبه ...وبالذات فى ما جربت شخصيا منها ..
وليس بعيدا على الزيتون ان يكون كذلك ....لانه هوة اللى قال فيه النبى ((كلو الزيتون وادهنو به فانه يخرج من شجرة مباركة))وحط تحت شجرة مباركة دى ميت خط ...لاننا كلنا مركزين على الزيت ...وانا بقول ان كل اجزاء الشجرة لا تقل فائدة عن الزيت ....و العالم الغربى عاملنا فيلم بخلاصة بذور العنب ..وعمالين يهرونا بانها صاروخ كمضاد للاكسدة و طلقة كمضاد للبكتريا ...و الحقيقة الرائعة ان ورق الزيتون اقوى من بذور العنب كمضاد للاكسدة بخمس مرات ....يا نهار ازرق دحنا نايمين يا جماعة ....انا احترم فعلا شجرة الزيتون ...وبقف جنبها بكل احترام لانها شجرة فعلا مباركة ...بكل ما فيهاوفى الكتب القديمة ..كتاب اسمه تذكرة داود طبعا عارفينه ...قال وقد حكى لى احد الاطباء انه رأى عليها _اى شجرة الزيتون_جلالة كاملة ..يعنى زى هالة مضيئه من بركتها و بهائها ..ونا مش بشعوذ يا جماعة بل انى اقدس العلم و البحث بس انا قلت كدة للتدليل على ان الشجرة دى مش اى شجرة ...وانه من القصور ان نقصر ابحاثنا و دراستنا على زيتها فقط ...بل لابد من بحث و دراسة المواد الفعالة فيها ..واحنا طبعا زى منتو عارفين بلد البحث العلمى كله ..واسألو الادراج اللى مليانة علم و بحث ..
طولت جدا ....ومش هقدر ارغى اكتر من كدة و بكرة مع التركيبة كاملة و ازاى كانت نتيجتها على المريض و الطريقة السليمة فى استخدامها .وكلام جميل عن هذا المجال الفخم ...الضخم
لو سالتكم سؤال ...ايه تتخيلو اقوى مضاد حيوى عشبى ؟؟؟طبعا ستتعدد الاجابات و تتنوع الاقتراحات ...ولكن انا واثق ان مفيش و لا واحد يقول انه ....ورق الزيتون الناس عمالة تشترى كبسولات خلاصات مستوردة اشى اشينيسيا واشى ختم الذهب و اشى استراجالس واشى برباريس وغيره وغيره ...واحنا عندنا ورق الزيتون مالى الدنيا بس احنا دايما زى القرع ...نمد لبرة ...
علشان يكون فى المعلوم ان ورق الزيتون يحتوى على مادة اسمه ((اليوروبن))ودى من اقوى و اشرس و اعنف مضادات الاكسدة و البكتريا و الفطريات ...وقريب جدا كان فى مظاهرة فى اليونان من اجل ورق الزيتون ...مظاهرة؟؟؟آه مظاهرة عاوزين ورق الزيتون يدخل فى قائمة الغذية و الادوية المصرح بتداولها قانونيا ..مادة الاليوربن دى من فصيلة اسمها ((البولى فينولز))ودى حكاية لوحدها ..والله نفسى اعمل ملف كامل عن ورق الزيتون و اعاجيبه ...وبالذات فى ما جربت شخصيا منها ..
وليس بعيدا على الزيتون ان يكون كذلك ....لانه هوة اللى قال فيه النبى ((كلو الزيتون وادهنو به فانه يخرج من شجرة مباركة))وحط تحت شجرة مباركة دى ميت خط ...لاننا كلنا مركزين على الزيت ...وانا بقول ان كل اجزاء الشجرة لا تقل فائدة عن الزيت ....و العالم الغربى عاملنا فيلم بخلاصة بذور العنب ..وعمالين يهرونا بانها صاروخ كمضاد للاكسدة و طلقة كمضاد للبكتريا ...و الحقيقة الرائعة ان ورق الزيتون اقوى من بذور العنب كمضاد للاكسدة بخمس مرات ....يا نهار ازرق دحنا نايمين يا جماعة ....انا احترم فعلا شجرة الزيتون ...وبقف جنبها بكل احترام لانها شجرة فعلا مباركة ...بكل ما فيهاوفى الكتب القديمة ..كتاب اسمه تذكرة داود طبعا عارفينه ...قال وقد حكى لى احد الاطباء انه رأى عليها _اى شجرة الزيتون_جلالة كاملة ..يعنى زى هالة مضيئه من بركتها و بهائها ..ونا مش بشعوذ يا جماعة بل انى اقدس العلم و البحث بس انا قلت كدة للتدليل على ان الشجرة دى مش اى شجرة ...وانه من القصور ان نقصر ابحاثنا و دراستنا على زيتها فقط ...بل لابد من بحث و دراسة المواد الفعالة فيها ..واحنا طبعا زى منتو عارفين بلد البحث العلمى كله ..واسألو الادراج اللى مليانة علم و بحث ..
طولت جدا ....ومش هقدر ارغى اكتر من كدة و بكرة مع التركيبة كاملة و ازاى كانت نتيجتها على المريض و الطريقة السليمة فى استخدامها .وكلام جميل عن هذا المجال الفخم ...الضخم
ليست هناك تعليقات:
إرسال تعليق