الأحد، ديسمبر 27، 2009

نسائيات جدا ...التهاب المهبل


انهاردة و صفة نسائية مهمة جدا جدا ..و يتعرض لها عدد كبير جدا من الستات العاملات وطبعا معظم ستاتنا عاملات ...لانه من حق المراة ان تعمل وان تتشعبط فى الاتوبس و ان تزاحم الرجل على طابور الانابيب ...و كيف لا و قد كفل لها القانون حق الانتخاب و الانتحاب ((بالحة))و الالتهاب ..و الاكتئاب ...من حقك الان ايتها الاخت ان تزقى الرجل من على سلم الاتوبيس فتجيبيله كسر رباعى ...ومن حقك ان تدفعيه من على سلم المصلحة لكى يجيله غيبوبة مخية ابدية ..او مؤقتة وانتى و زوقك باة .....طبعا نظرا لخروج المراة التى ترتدى الملابس الواسعة جدا اللى بنشوفها حاليا ..والتى تحتاج لجل كريم حتى تتلبس ...ونظرا لطول القعدة فى الشغل علشان نحكى و نلت و نعجن ...نظرا لذلك كله تتعرض الستات لالتهابات مهبلية ..و افرازات و تغير فى الرائحة ...طبعا دى مصدرها اساسا و غالبا فطرى ...بنوع يسمى كانديدا او ترايكوموناس ...او بكتيرى وده اقل ...طبعا قبل ماقول التركيبة ...احب انبه على قواعد عامة فى المسالة دى ..
*تجنبى سيدتى الثياب الضيقة كالجينز مثلا و نحوه
*غيرى ملابسك الداخليه يوميا
*اعتنى بالتنظيف السليم لهذه المنطقة ...طبعا عارف ان الاطباء يحذرون من الدش المهبلى اليومى ..وده صحيح ..خليه مرتين فى الاسبوع ..
*اكثرى من تناول الزبادى لانه مهم جدا فى مقاومة فطريات المهبل
*قوى جهازك المناعى بتناول الخضروات و الفواكه
*اكثرى من الثوم فى طعامك فهو من اقوى مضادات الفطريات فى العالم ..فص ثوم مقطع يوميا يسف مع كوب ماء رائع لذلك ...
*اذا اصبت باى من هذه العدوى ...فتجنبى العلاقة الحميمة حتى الشفاء ..او اعالجو انتو الاتنين ..
التركيبة غاية فى السهولة ...و العمليه و الفائدة ..:
نعناع فلفلى ..ملطف و قاتل للبكتريا 20%
مر مطحون 20% قاتل للبكتيريا و مضاد للالتهاب
زهرة الكالنديولا ..مضاد للفطر 20%
زعتر مطحون احد اقوى مضادات البكتريا 20%
زهرة الكاموميل ...مضاد للبكتريا و ملطف 20%
....استخدمى الاعشاب المخلوطة بنفس النسبة ..بمعدل 3 ملاعق كبار لكل نصف لتر ..على نار هادية جدا ..و يفضل حمام مائى لمنع تطاير الزيوت الفعالة ...اتركيها حتى تصل اى كمية الماء للنصف ....صفى الاعشاب جيدا جدا جدا ...استخدمى الخلاصة ..مع اضافة 2 ملعقة كبيرة خل تفاح اصلى من السوبر ماركت و ليس العطار ...لهذه الكمية ..استخدميه كدش مهبلى قبل النوم يوميا لمدة 3 الى 5 ايام ...
ستتخلصين تماما من العدوى ..و مع استخدام الثوم سيتخلص جسمك تماما من العدوى


معجون الشفايف


ماسك دهان للشفايف ..لزيادة نضارتها و علاج جفافها و اعطاءها شكل و لون طبيعى و براق و احمر و جميل ..مناسب خاصة للعرايس و اللى قطر الغلب دايس :
يتركب الماسك الدهان من :
معلقة كبيرة طين مغربى ..او كاولين لو موجود
معلقة زيت زيتون صغيرة
معلقة عسل نقى صغيرة بس يكون غير متجمد
معلقة كبيرة ماء ورد

***دفى ماء الورد قليلا فى حمام ماء....اضيفى العسل ثم زيت الزيتون
***اضييهم للطين او الكاولين ..و ادعكى جيدا للوصول الى عجينة جميله ..
***ضعى العجينة على الشفايف لمدة دقيقتين فقط...ثم اغسليها بالماء الدافىء..ثم استخدمى بعدها ملون الشفاه
**طبعا يفضل ان يكون المعجون دافىء نوعا ما

مرطب عام للجلد..فى الشتاء


تركيبة بسيطة و سهلة لترطيب اليد فى الشتاء المقبل ..واحنا بنستعد لها بقى باللازم ...وفعالة جدا و جميله ...
تتكون من التالى:
ثلاثة ارباع فنجان جل الصبار الرائع للجلد
تمن فنجان جلسرين
تمن فنجان زيت خروع
خمس كبسولات فيتامين هاء
*اخلطى المكونات جيدا ...ضعيها فى بطرمان مناسب
يمكن اضافة بعض قطرات عطر مناسب طبيعى ..يفضل ان يكون اللافندر
تركيبة هايلة لليد و المرفقين واى منطقة تحتاج ترطيب ..الصبار رائع كمضاد للجفاف و التشقق...الجلسرين و الخروع مرطبات ماصة للرطوبه من الجو لتزود الجلد بها ..فيتامين هاء مغذى و مرطب و مجدد
جربوها هتعجبكم جدا ....وبطلى كسل يا لاستو ...
شكرا ليكم
د.حكيم زمانه

زبدة الجسم



التركيبة اسمها زبدة للجسم ..حاجة ملطفة و مرطبه و بتستخدم ايضا لمنع الترهلات ..ومنع التجاعيد ..و للجفاف ..و التشققات الخفيفة ..تتكون من التالى
ربع فنجان زبدة كاكاو ..قلت مرارا انها احد منتجات شركة بالمرز ..وممكن تلاقيها عند كيميائى فاهم و امين ..ودول ماتو من زمان
معلقة كبيرة زيت جوز هند..مش جوز اختهاخلو بالكم
2 معلقة كبيرة زيت سمسم
1 معلقة كبيرة زيت زيتون نقى
معلقة كبيرة شمع نحل ..نقى
***ببساطة اوى وفى حمام مائى هنسيح الزبدة...و شمع النحل ...و نضيف الزيوت ..نخليهم فى الحمام المائى لحد ميمتزجو جدا ثم نصبهم فى علب شيك كدة بتاع اولا زوات ..مش الاربع طبعا ..نسيبها تبرد..
**ساعه تستخدميه تاخدى حته صغيرة..بمجرد مهتلمس بشرتك ..هتسيح ...و ترطب و تزيل جفافها ..طبعا يمكن اضافه بعض نقاط اى زيت عطرى زى اللافندر او الليمون او النعناع ..وكلها علاجية اذا كانت نقية

الشتاء....وجفاف الشفاه


طبعا نحن مقبلون عى فصل الشتاء وفى فصل الشتاء بتبتدى الشفايف تشقق و تجف وفى بعض الناس بتدمى من فرط الجفاف و التشقق...وده ان دل على شىء يدل على نقص فى الفيتامينات ..و لذا انصح الجميع بالتسلح بعدد من وجبات الخضروات و الفاكهة خاصة عائلة البرتقال واخواته ..طبعا اكثر ما يشتريه الناس فى الشتاء هى زبدة الكاكاو ..وحته تجارية كدة لازم تعرفوها ان زبدة الكاكاو دى مش زبدة كاكاو دى قاعدة مضاف اليها ريحة زبدة كاكاو ..بس طبعا الناس مفكراها زبدة كاكاو طبيعية ودى مش موجودة فى اى منتج مصرى ...احنا بنهدى النفوس بس...اصل شغل التركيبات ده بقى خبرة و لعب كتير ..علشان كدة بحب الناس تتعلم تعمل الحاجات البسيطة دى ...واوعدكم باذن الله قريب ساوفر معظم عناصر تركيباتى و غيرها فى مكان كويس على اعلى درجة من الجودة...تعالو نعمل مع بعض ..زبدة كاكاو جميلة جدا للشفه ومن عناصر بسيطة و سهلة ..
28 جرام شمع نحل ابيض وده هتلاقيه عند العطارين الكبار
20 جم زبدة كاكاو بتاعة بالمرز من اى صيدليه كبيرة
40 مل زيت زيتون نقى
10 مل زيت مر نقى وده هينسف اى تشققات
2 مل زيت لافندر طبيعى
*اضيفى شمع النحل لزبدة الكاكاو و سيحيهم فى حمام مائى
اضيفى الزيوت ما عدا اللافندر*
*اخلطيهم جيدا مع التقليب
*انزليهم من الحمام المائى ..وقبل التجمد اضيفى زيت اللافندر
*قلبى ...و صبيه فى بطرمان صغير مناسب ...او اى اناء تريه مناسب لدهان الشفايف ..واتركيه حتى يبرد تماما
*استخدميه على الشفايف المتشققة او المقشرة او الجافة ...وستحسين بفرق شاسع ..خاصة فى الشقوق

السبت، ديسمبر 26، 2009

لوسيون القشرة ...الرهيب


اللى عاوز اقوله ان علاج القشرة بالاعشاب كبير جدا لانه من الاعشاب عدد كبير جدا فعال و مؤثر جدا فى موضوع القشرة بل و اقوى احيانا من الكيماويات المستخدمة فى ذلك كمضادات الفطريات و الزنك بيريثيون و السيلينيوم سلفايد ..و القار ..و غيره ..وان كان القار منتج طبيعى لا خلاف فى ذلك ...عاوز اقول الاول ان من اسباب القشرة الرئيسية :
*سوء التغذية
*الافراط فى استخدام الصابون و الشامبو
*العدوى الفطرية و دى نظريه حديثة ومشهورة
*نقص الزنك فى الطعام
*الافراط فى تغطية الراس فى البيوت ...يعنى حضرتك فى البيت صففى شعرك و سيبيه علخدود يهفهف بدل منتى كتماه تحت الشرخة القماش طول النهار و البيه عمال يتفرج على شعور خلق الله على الفضائيات ..حيث الشعور ببلاش ..
***هقولكم انهاردة تركيبة جميلة للقشرة و مفيدة و فعاله ..و مجربة و ناجحة فى معظم الحالات اللى صادفتنى رجالا و نساء....و اكرر ليست هذه التركيبة الطبيعية الفعالة للقشرة ..و لكنها احد اقوى التركيبات الطبيعية ..للقشرة و التهاب فروة الراس ..
________
ركزو معايا :تتركب التركيبة من الاتى:
3 ملاعق روزمارى مطحون طحنة خفيفة
3 ملعقة زعتر مطحون طحنة خفيفة
3 ملاعق سنامكى((بيسميها العطارين سلامكةوده غلط لانها اسمها مكون من كلمتين ..سنا_مكى..اى نبات السنا الذى اصله من مكة و بدايه زراعته)) مطحون
500 مل ماء مقطر ..او عادى لو مفيش مقطر ..
ببساطة هنخلط الاعشاب ...و نحطها فى اناء ستينلس مع الماء...و توضع على نار هادية جدا جدا..لمدة ساعة لحد ميصل الماء للنصف ...نصفيها بامتياز...مش عاوز بقايا اعشاب نهائيا ..و خلى بالك ونتى بتصفى اعصرى الاعشاب جدا علشان بيبقى جواها الخلاصة المركزة....هينتج عندك حوالى 200 مل من اللوسيون ...المصفى ..اضيفى له ملعقتين كبار من خل التفاح ..الذى اكرر ليس من عطار ...خل التفاح اللى عند العطارين عبارة عن خل صناعى مضاف اليه نكهة تفاح...متخلوناش نتكلم ..
ضعى اللوسيون فى زجاجة دواء معتمة ...و استخدميه دلوكا للراس مرة صباحا و مساء لمدة اسبوع ...طبعا بتتركيه فترة على الراس و بتشطفيه بعدها بساعتين مثلا ....خلال اسبوع ستنسف القشرة نسفا ..
حقائق علمية :
زعتر يحتوى على الثيمول القاتل للفطريات و المعقم الرائع و المنشط لفروة الراس ..
الروزمارى:السينيول المضاد للاكسدة و المضاد للقشرة و المنشط للفروة ايضا
السنا المكى :يحتوى على الانثراكينون الرائع كمضاد للفطر ...

ماسك مفتح للبشرة تدريجى ...رااااااااااااائع



هذاالماسك كنت نزلته فى شركة كبيرة و لقى صدى جيد جدا ...وثناء ممن استخدمنه ..وهو فى متناول الجميع

نشا بطاطس ((و الم يوجد فنشا ذرة )) 40 جم
بذور ترمس بلدى مطحونه زيرو 30 جم
بودرة عرق سوس مطحونه زيرو 23 جم
بودرة كركم ناعم جدا 2 جم
بودرة حلبه ناعمة زيرو 5جم
**اخلطى البودرات جيدا جدا ....و اعجنيها بزيت الزيتون ..او الزبادى او الاتنين
***و استمتعى ......
شكرا لكم جميعا

انتفاخات ما تحت العين ..سؤال و جواب


ده سؤال عن الجيوب اللى تحت العين ..جاوبت عليها و عجبنى الجواب قلت افيد الامة العربية و الاسلامية ...
**************************
بالنسبة لسؤال حضرتك متكرر و شائع فى السن الصغيرة اليوميندول ..وطبعا ده
لما اكرره دائما من اسلوب الحياه الغريب اللى بنعيشه ..اكل بطريقه خطا ..نوم بطريقة خطأ ..هوا غلط...هههههه.بالاضافة لبعض مشاكل الحساسية و قله النوم و بعض الملوثات .المهم مش هعقدكم اكتر من كدة ..فى طبعا نصائح عامة ...وطرق خاصةطبعا نصائح عامة و هامة :
**********
*لازم ننام فترة كافيه من وقت النوم المناسب ..ست الى 8 ساعات فى وقت النوم من الساعه عشرة كدة للفجر...طبعا محدش بينام كدة بس ده الصح و اللى بيلتزم بيه بيحس بفرق كتير فدعونا نجرب ..
*نشرب يوميا كم كافى من الماء للتخلص من سموم و ملوثات الجو اللى مفيش اكتر منها يكفيك 8 اكواب من الماء يوميا كحد معقول و يمكن طبعا الزيادة ..وعاوز اقول ان تناول سبع تمرات يعد من اقوى مخبصات الجسم من السموم ومنع اعراض التجاعيد و الانتفاخ تحت العين و الهالات السودة..طبعا كلام مش جديد بس قد يكون غريبا على البعض
* تجنبى الحوادق الجامدة زى المش و السردين و الفسيخ و الملح العالى عموما ..لانه بيوءدى الى تجمع السوائل فى المناطق دى و حدوث انتفاخات ملحوظة
نصائح خاصة :
*********
استخدمى كمادات الأعشاب التاليه :
الكاموميل
الشاى الاخضر
بتلات الورد
طريقه جميلة و مفيدة جدا ...حطى معلقة صغيرة من الاعشاب دى ..و صبى عليها كوب كاء مغلى جدا ...قلبيها شوية ..و صفيها ..و برديها ..و اعمليها كمادات لتحت العين بقطنة صغيرة لمدة ربع ساعه ..استخدميها يوميا بالليل كدة و حضرتك قاعدة تازازى لب مع البيه ..و كلمة من هنا ضحكة من هنا الامور تمشى و القافلة تسر ههههههههه...
*أعظم و اجمل و افيد زيوت للموضوع ده
-زيت الزيتون
-زيت جنين القمح
نخلطهم و نستخدمهم على المنطقة دى دهانا خفيييييييييييييييف جدا و يل حبذا لو هبابة عسل ..او نستخدم كريمات فيها الزيوت دى بنسبه عاليه مش الكدب بتاع الشركات الفاضية ..
*نأخذ قرصين فيتامين سى يوميا ..او نشرب اعشاب غنية بالفيتامين ده و عصائر
*أكرر دائما لا تنسى ابدا العسل يوميا ...عاوزة تحافظى على بشرتك و شبابك و تقللى التجاعيد و الجيوب و كل حاجة وحشة خدى لك 3 معالق عسل كبيرة يوميا ..
نقى اللى يناسبك و هتحسى بفرق كبير ...

الجمعة، ديسمبر 25، 2009

ماسك للبشرة الجافة و الحساسة و المقشرة


طبعا نظرا لدخول الشتاء يصيب الجلد و البشرة جفاف و تقشر حتى فروة الراس يصيبها قشرة و ده ما سال عنه بعض الاعضاء عن سبب زيادة القشرة فى الشتاء غالبا ..من احد اهم اسباب جفاف البشرة غسل الوجه بالماء الدافى ثم التعرض للهواء البارد لانه ده بيفتح المسامات و يزود التبخر للرطوبة الطبيعية للبشرة وده غايه فى تعريض البشرة للجفاف...كمان استخدام الماركات غير الاصليه من الميك أب التى تحتوى على مواد كيماوية فى منتهى التجفيف للبشرة كالريزورسينول وغيره ..لما تشترى اشترى ماركة مشهورة و معتمدة وخلى شعارك فى التجميل ((الغالى تمنه فيه))دى حقيقة فعلا ...عد استخدام مرطبات او بسميها حوافظ رطوبه لانها بتمنع خروج الرطوبة الطبيعية المكونة لخلايا الجلد للخارج عدم استخدام هذه الحوافظ يؤدى الى زيادة جفاف البشرة ...التعرض لاشعة الشمس المباشرة فى وقت ذروة تركز الاشعه الفوق بنفسجية وده بيكون من 10 صباحا الى اتنين مساء تقريبا يوءدى ايضا الى جفاف البشرة ..عدم تناول كمية يوميه كافيه من الماء ايضا يسبب جفاف البشرة و الجلد عموما ..ودى طبعا فكرتنى بيها عضوة فى الجروب فكان لازم اقولها كمان مهم قوى انى اذكر استخدام صابون عالى القلوية او نوع غير جيد ...لان الصابون ده عبارة عن قلوى +زيت يتفاعلا ليعطيا الصابون اللى بنشوفه ..طبعا ده فى اغلب الاحيان لان فى طرق تصنيع تانيه ..فى الانواع الرديئة مش كل القلوى بيتفاعل و يفضل شويه موجودين كمادة قلوية اللى هيه البوتاس ...اه البوتاس ...وده مجفف عنيف للبشرة ..استخدمى صابونه حنينه زى الجلسرين او بروتكس رقم واحد لو بشرتك جافه او اى نوع جيد و غير مجفف..طبعا فى اسباب اخرى بس دى اشهر الاسباب...طيب هوة يا حكيم فى مشكله من تعريض البشرة للجفاف ..طبعا تقشير البشرة اى ظهور قشور ..احساسك انها مشدودة وده شىء بيتكرر جدا فى حالات كتير باشوفها ..وصولا الى ظهور التجاعيد المبكرة لفقد رطوبه البشرة الداخليه المؤثر على الكولاجين ...وعاوز اقول هنا نصيحة مهمة جدا ..اوعى تصدقى ان كريمات الكولاجين الموضعية اى الدهان هتعيد بناء الكولاجين عندك ..الكولاجين يبنى من الداخل و يحافظ عليه من الخارج ..طبعا رغيت تانى كالعادة..
__________
هديلكم النهاردة ماسك ...للبشرة الجافة و الحساسة ..وعاوز برضو اقول ان الماسكات مش حاجة ترفيهيه دى حاجة كل بشرة محتاجاها على الاقل مرة اسبوعيا ...و على الاكثر مرتين اسبوعيا ..بس يكون ماسك صح ..تعالو نشوف كدة .
يتكون الماسك من الاتى :
نصف موزاية ناضجة ...مقشرة طبعا وده من اقوى المرطبات و المجددات
معلقة صغيرة عسل ابيض نقى وده رائع كمرطب و مضاد للجفاف
معلقة ماء ورد طبيعى ملطف جميل للبشرة
معلقة كبيرة شوفان مطحون ناعم ..من احلى الملطفات فى العالم
ربع معلقة صغيرة زيت جوجوبا المعروف بترطيبة العالى جدا
تلت معلقة زيت جنين قمح طبيعى ...لا خلاف فى فوايد للبشرة الحساسة و المقشرة
طمى مغربى ..كمية قليله لعمل ماسك قوامه يناسبك..منظف و مرطب
***ادعكى الموز باى طريقة حتى يصبح كالكريم فى القوام ثم اضيفى العسل و ماء الورد و اخلطيهم جيدا
***اضيفى الشوفان ثم زيت الجوجوبا و الجنين و اخلطيهم جيدا
***تاكدى من تجانس المكونات جيدا ..نظفى بشرتك ..وضعى طبقة خفيفة من الماسك ..اتركيه عشر دقائق ...ثم اشطفيه ..و اتبعيه بمرطب لوشن او كريم ..طبعا الماسك قابل للفساد .زيعنى استخدميه ...طازة بطازة

حكيمو الشهير ..و انفلونزا الخنازير


اللى يهمنى فى هذه الرساله القصيرة المكيرة ..ان تعطى للقارىء المتابع ...البدائل الطبيعية القويه جدا فى منع و مقاومة و مكافحة فيروس انفلونزا الخنازير ...ببساطة و سلاسة و هدوء ..وقرب عليا بالكادر شويه ..الكادر الوزيفى...دى لسته اعشاب لا غنى عنها فى هذه الظروف ..مجربة عمليا و بحثيا و حكيميا ..
1الزنجبيل:وده من الاعشاب التى لقيت بحثا عميقا ومازال البحث جاريا فى اليلاد اللى بتعرف العلم ..مش احنا طبعا ..ولذلك لم يكن مصادفة ا بدا ان يذكر الزنجبيل فى القرآن..و الرائع انه لما ذكر قال تعالى (كان مزاجها زنجبيلا..عينا فيها تسمى سلسبيلا)الرائع هنا ان الله ذكر انسب طريقه لاستخلاص الزنجبيل وهو الماء العادى ليس المغلى او الغلى نفسه ..وفى بحث رائع تبين أن المواد القاتلة للبكتيريا تضعف بالغلى فعلا ...الأروع انه فى بحث فى اليابان فى احد الجامعات المشهورة اسمها ياماهوتو ..اثبت فريق بحث قوة الزنجبيل فى السيطرة على فيروس الانفلونزا...انا نفسى جربته مع اعشاب اخرى ساذكرها فى السيطرة على اعراص البرد ..احمد الله انى من حوالى 3 سنوات لم اصب بنوبه برد واحدة لانى مواظب على اقراص الزنجبيل ..لو هنحكى فى الزنجبيل خد منى يوم كامل بس دى مجرد اشارات ..انصح بتناول اقراص الزنجبيل من انتاج شركة ميباكو جاهزة او كبسولات الزنجبيل من مصدر موثوق به ..من الجدير بالذكر ان الزنجبيل له خصائص قوية جدا مضادة للسرطان .
2-ورق الزيتون: وده من احب الاعشاب الى نفسى و جربته ولو يخيب ظنى ..و لست وحدك حبيبها ...فالعالم كله اجمع على قوة ورق الزيتون كمقاوم لنزلات البرد و الانفلونزا و فيروس الانفلونزا المتطفر ..وفى بحث جميل فى اسبانيا فى قسم البيلوجيا الجزيئية فى جامعة ميجيل ..اثبتو ان خلاصة ورق الزيتون فعالة جدا ضد فيروس الانفلونزا وان مادة الاوليوروبين تتفاعل مع غلاف الفيروس و تدمره..ورق الزيتون يستخلص بالغلى على نار هادية جدا ..ولما النبى قال كلو الدهن اى زيت الزيتون فانه خرج من شجرة مباركة ..لم يكن ابدا عبثا ان يصف كامل الشجرة بالمباركة كاشارة للناس ..لو كانو يفقهون .من الجدير بالذكر ان ورق الزيتون له خصائص مخفضة للضغط و السكر جيدة .
3-حبة البركة :ودى عمتهم بأه ...وفى الوقت الذى يتجه اطباء و صيادلة العالم الى دراسة خصائص العشبة المذكورة فى السنن النبوية فى قول النبى (عليكم بالحبة السوداء فان فيها دواء لكل داء الا السام )يتجه اطباء العرب الى القول بانها مجرد خرافات لا بد ان نتحرر منها ...وعجبى ..ومازال هناك عقلاء ..ففى بحث اجراه طاقم عربى مكون من الاساتذة محمد لبيب سالم و محمد سراب حسين ..فى جامعة كيوشو باليابان ..قسم المناعة فرع مقامة الفيروسات.اثبتو قوة خلاصة العشبة فى مقاومة الفيروسات بشكل واضح جدا وعلى فكرة كل الابحاث دى تحت الطلب لمن اراد ...استمتع بطعم الحبة السوداء و قوتها كنقيع على الساخن وقاوم عدوى الايام السودة .
4-حشيشة النحل او الميليسا:العشبة الليمونية الجميلة ذات الشهرة الواسعة كمضاد للفيروسات ...فى كومة من البحوث اثبت العالم ذلك...خاصة فيروس البرد و كذلك الهربس ..داخليا و خارجيا ..استمتع بطعم وجمال العشبة الليمونيه فى مشروب على الساخن ..وقطع اى فيروس يقابلك بضمان حكيمو
السؤال :كيف استخدم هذه الاعشاب للوقاية المثلى و العلاج ..اقولكم الزنجبيل اقراص رائع او نقيع على البارد افضل زى مقلنا ...الباقى نخلطه بنفس النسب و نعمل منه شاى جميل جدا ...ممكن نغليه دقيقة او اتنين على نار هادية و نسيبه بعده ربع ساعه ..ثم تناوله لمقاومة الفيروسات العاتية ..طبعا فى اعشاب تانيه فى نفس المجال ..بس ده للاستخدام العاجل و الوقاية المثلى ..استمتع بحياه اكثر نقاءا وصحة مع
د.حكيم زمانه

موسوعة((الطبيعة و جمال بشرتك))-7


عاوزين نخلص المقدمة الخاصة بموسوعة الطبيعة وجمال بشرتك علشان ندخل فى تفاصيل الحالات و طرق تناولها طبيعيا و تركيبيا ..واللى ان شاء الله هتعجبكم وتكون بحق موسوعة ومرجع لكل احد متخصص و غير متخصص يرجع لها فيما يتعلق بمشاكل البشرة و حلولها الطبيعية ..مع الاشارة لمشاكل الطرق الاخرى ان كان فيها مشاكل و ايضاح بعض ما يخفى على الناس فى هذا الجانب الشيق ..
نتكلم اليوم عن بقية الحاجات ..اللى فى بشرة سعادتك ..واللى اكيد من خلال الحديث عرفتو ان الموضوع مش لعب لانها خلايا و نظام محكم البناء وعلشان كدة يستاهل اننا نعرفه علشان نفهم ازاى يكون التعامل الصح معه ..
*الغدد الدهنية : ودى احد مكونات البشرة الاساسية ..ودى نوعين ..نوع يتصل بالشعرة عن طريق قناة ودى ترطب الشعرة و تديلها اللمعة و النعومة الخاصة بيها ..والنوع الاخر نوع يصب مباشرة فى الجلد و البشرة علشان برضو الترطيب ومنع الجفاف ومنع فقد الماء ..لاحظى حضرتك حاجاة مهمة جدا ..ان مذيبات الدهون اللى موجودة فى المنظفات ..ودى بتبقى قوية جدا تساهم بشكل كبير جدا فى جفاف البشرة ..لانها بسهولة بتدوب المادة الدهنية ...ولذا كتير قوى من النساء يعانى من جفاف بشرة مزمن بعد الغسيل و تنظيف المواعين بالسوائل الخاصة بيها ..دائما استخدمى بعد هذا التنظيف ملطف دهنى خفيف ويا حبذا لو كان فيه خلاصة زى الصبار علشان المنظفات دى غالبا ما تحتوى على بوتاس كمان مع مذيبات الدهون ..
اللى حضرتك لازم تعرفيه كمان ان نشاط الغدد الدهنية مرتبط بالهرمونات ..ده فى الراجل و الست ..لذا نشاط الغدد الدهنى اكبر بعد البلوغ منه قبله ..وطبعا بالتالى بيقل بكبر السن لنفس السبب ..وان النشاط المفرط جدا وغير الطبيعى فى الافرازات الدهنية قد تكون هرمونية السبب...ولذا بعض الاتجاهات تعالج حب الشباب الناتج عن افراز الغدد الدهنية المفرط و انسداها بمواد هرمونية الاثر ..جفاف الشعر المفرط قد يكون هرمونى السبب ..كل ده لما تعرفى حقيقة واحدة ان الغدد دهنية تحت تاثير النظام الهرمونى فى الراجل و الست ..مش بقول دايما كل جفاف مفرط سببه هرمونى ولكن لابد ان يكون ده فى الاعتبار لكل ممارس حالات تجميلعلاجى شاطر ..ولذا بعض النساء اللى بياخدو حبوب منع الحمل الاستروجينية يعانين من جفاف الجلد او جفاف الشعر ..
*النهايات العصبية : ودى يعنى اعصاب الاحساس ..ده للى عنده احساس طبعا هههههههه...ودى منها اكتر من ملون نهاية حسية فى جلد حضرتك..وظيفتها ان حضرتك تحسى بكل ما يحدث حوالين الجلد و داخل طبقة الجلد...من حرارة او برودة او لسعة او قرصة او شكة ...ودى طبعا من خلال الاتصال بالجهاز العصبى لمركزى و المخ و اشارات و موصلات و كلام كبير اوى مش ده مكانه ..ده طبعا من نعم ربنا علينالانه باب دفاعى قوى جدا ..وسبحان الله لما يقول ((ان الذين كفروا باياتنا سوف نصليهم نارا ..كلما نضجت جلودهم بدلناهم جلودا غيرها ليذوقو العذاب))كاشارة الهية ان النهايات الحسية العصبية تتركز فى الجلد..وده ما اثبته بسطوع العلم الاليكترونى الحديث ..من الظريف و الجميل ..ان حتى الشعرة على طول غلافها الخارجى فى الجلد و البشرة مطعمة بنهاية حسية عصبية لطيفة ..حتى تكون اللمسة الحانية لها فعلا اثر حسى ملموس ومنقول للمخ ..سبحانك يا رب ..يقول النبى ((من مسح رأس يتيم لم يمسحه إلا لله كان له بكل شعرة مرت عليها يده حسنات))حاجة فعلا فى منتهى الغرابة ...و الاغرب من ذلك ..ان فى دراسة فى امريكا لمقارنة حال اليتامى فى ملاجىء اليتامى وجدوا ان كثير منهم يصيبهم الانطواء و الاكتئاب عن مثيلاتها فى البرازيل مع ان العنايه فى امريكا المادية اكبر بكثير. .وبالبحث وجدوا ان الفرق هو ان الطفل فاليتيم فى ملاجىء البرازيل ..يتتعرض لمسحات على راسه اكبر بكثير من مثيله فى امريكا...طبعا لان امريكا مادية جدا فى هذا الجانب ...لا تنس مسح راس يتيم ..فله اثر محسوس فعلا ..و لا تنس مسح راس ابنك كثيرا ..فهو ناقل لمشاعر ليست قليلة..و لا تنس مسح راس زوجتك...فالموضوع مش كلام وبس ..ده احاسيس يا بشر ...سبحانك يا رب ...نكمل بكرة باذن الله
شكرا جدا ليكم
د.حكيم زمانه

موسوعة((الطبيعة و جمال بشرتك))-6


كنا دخلنا فى طبقة الديرمس التانيه ..وتكلمنا عن الكولاجين و الايلاستين و ما يتعلق بيهم و ببعض المفاهيم الخاطئة تجميليا و انتاجيا ايضا ...نتكلم اليوم عن مكون هام جدا فى ديرمس حضرتك ..احيانا بنزعل منه لانه يسبب بعض المشاكل و الاحراجات ..لكنه اساسى جدا وهم جدا فى الجلد و البشرة عموما ..وانا حين اتكلم عن البشرة لا اعنى الوجه فقط وانما اعنى بشرة الجسم كله لاننا عندما سنتطرق للمشاكل سنعمم البشرة الجسدية كلها مش الوجه بس خلافا لبعض الناس اللى تخيلت ان البشرة يعنى الوجه وده مفهوم خاطىء تجميليا و حتى لغويا بما انى فصيح قديم ...المكون هو ((الغدد العرقية))الموجودة فى هذه الطبقة من الجلد ..حقائق هامة جدا عن الغدد العرقية :
1-عدد الغدد العرقية يتراوح بين 2 الى 4 مليون غدة فى بشرة حضرتك ..يعنى ببساطة دى رساله قوبة لمن يعتقد ان العرق المفرز هو شىء سىء لابد من التخلص منه ..هل من المعقول ان اربعه مليون غدة لافراز سائل ما مخلوقين علشان نوقف وظيفتهم ؟؟؟
2-وظيفة السائل العرقى هو تنظيم حرارة الجسم ككل بما ان الجلد يغطى معظم الجسم ...وجدوا ان فقد ما يعادل 1 فى المية من وزن حضرتك فى صورة عرق يكفى لانزال درجة الحرارة عشر درجات مئوية ..حاجة ممتازة جدا ..يعنى العرق ده مش لعبة و لا حاجة غير ذات فائدة..لو حضرتك جسمك سخن فان جهاز التبريد الطبيعى فى جسمك هوة العرق الذى تسعين لاخفائه ..دى رسالة اخرى
3- من وظائف السائل العرقى ايضا التخلص من بعض المواد الضارة و الزائدة كالبوتاسيوم الزائد و الصوديوم الزائد و حمض اللاكتيك المتكون اثناء الرياضة و الذى يسبب تراكمه كما يعرف المتخصصون تعب و انهاك للعضلات ..
4- السائل العرقى المفرز من الغدد العرقية برىء من الرائحة الكريهة ..و الله العظيم برىء يا بيه ..لانه سائل عديم الرائحة ..الظالم فى هذه القضية هى البكتريا التى تحوله لمنتجات اخرى كريهة الرائحة..يعنى بكل بساطة امنع التحلل البكتيرى للعرق و لا تمنع العرق نفسه ..تتخلص من مشكلة رائحة العرق الكريهة ..
5- ميكانيكية افراز العرق حاجة فى منتهى الحكمة و الروعة من اله حكيم عليم..فالغدد مزودة بثرموستات يقيس درجة حرارة الجلد المحيط...اول ميحس بلخبطة يرسل اشارة لمركز ضبط الحرارة فى الجسم ((الهيبوثالامس))اللى فى المخ طبعا ..بدوره يجاوب الغدد باشارات تفرز ناقل عصبى معين بدوره يحفز افراز العرق ..اللى حضرتك جاهزة له بمضاد لافرازه ..فعلا غريبه ..
6-العجيب و الغريب سبحان الله انه مع انه اثناء التعرق يفقد كلوريد صوديوم اللى هوة الملح فانه فى حالة زيادة بذل مجهود فانه يقل جدا افرازه مع العرق لحاجة الجسم اليه عند بذل مجهود..بل ان زيادة افرازه مع العرق يعد دليلا على مرض و خلل غير طبيعى ..وبتحليل بسيط لنسبة الملح فى العرق يعرف هذا الخلل ..سبحان الله فعلامن الظريف جدا ان اصحاب هذا الخلل بيسموهم ((اصحاب القبلة المالحة))هههههههه...يعنى اختبار المرض هو طعم القبله ..ده الطب اتقدم صحيح اهو
7- ركزو فى دى جدا ...فى فرق كبير جدا بين ((موانع التعرق ))و((مضادات رائحة العرق)) ...الاول يمنع افراز العرق الطبيعى ...عن طريق استخدام مواد معينة احفظوها معايا ...
*الالومنيوم تراى كلوروهيدرات ودى اللى هيه ببساطة اوى الشبة..اللى بيحطها كل العطارين فى بوردراتهم وال ايه طبيعية و من الطبيعة ..ربنا يحميكم يا غلابة يا بتوع الطبيعة
*الالومنيوم زركونيوم تراى كلوروهيدرات
اى الومنيوم او زركونيوم ..خلى بالك منه....المركبات دى بتدخل الغدد تتحد بالماء ...تدى مركب ايونى ضخم الحجم طبعا بالنسبة للخليه ..يسد الغدة يحبس نفس العرق ...بيسموها نظرية السد العرقى ..دى منتجات منع التعرق ...الحاجات التانية اسمها ((مضادات رائحة العرق ))ودى عادية جدا ..اما بتشتغل بريحتها الحلوة بس او بريحتها الحلوة مع مضاد للبكتريا المحللة للعرق ,..ودى أأمن بكتير ..وهيبقى لنا معاها وقفة فى حالة عرق الجسم باذن الله
8- ودى مفاجأة لكل مستخدمى مضادات التعرق ..اللى بيسدو مجارى الغدد العرقية...فى بحوث اجراها فريق بريطانى قسم الكيمياء الحيوية جامعة كيلى ..وجدو حاجة غريبة قوى ..ان معظم خلايا العينات الماخوذة من مريضات سرطان الثدى ..تحتوى على مستوى عالى جدا من الالومنيوم ..مقارنة بغيرهن ..وان ده بيتركز فى الخلايا الخارجية منها اكثر من الداخلية ..مما دعا الفريق لاقامة علاقة ..بين السرطنة الثديية...وبين محتوى مضادات التعرق من الالومنيوم ..هل هناك علاقة فعلا بين الالومنيوم ذو النشاط الاستروجينمعدنى ..المؤكسد ..المسرطن بطبعه ...وبين سرطان الثدى؟ ...واشمعنى الثدى؟؟ واشمعنى خلاياه الخارجية ؟؟هل لقربها من تحت الابط اللى هريناه مضادات تعرق غنية بالالومنيوم ؟؟؟سؤال خبيث ام مجرد تنفيث ؟؟؟؟؟بكرة نعرف

موسوعة((الطبيعة و جمال بشرتك))-5


نكمل موضوعنا ..وكنا دخلنا فى الحاجة ديرمس ..وعاوز اقول حاجة مهمة ان الكلام ده مهم جدا لكل راجل و ست ..لانى مش برص معلومات انا بوضح نقاط سهلة و ببين بعض الاخطاء التجميليه المتعلقة بهذه المعلومات البسيطة جدا و الذى يعرفها القاصى و الدانى ..تكلمنا عن الكولاجين ..وطالمنا اتكلمنا عن هذا البروتين الهام جدا فى اعطاء البشرة قوامها و قوتها ..لازم نفتكر وصيفه الايلاستين ..وده مع الكولاجين بينتجهم حاجة اسمها الفيبروبلاست..ودى فى نفس الطبقة علشان تعرفى اد ايه بشرتك معقدة و مركبة و تحتاج لمعرفة ..علشان كدة دايما اقول العناية بالبشرة ليس فى علبه بل فى علم وفكرة ..لازم نفهم الناس اللى عمالة تنصب علينا دى بتقول ايه ..كل يوم يخترعو افتكاسة و الناس خاصة الحريم يصدقو ..هل دى طيبة قلب ام جهل ام اكثر من ذلك؟؟الايلاستين يكون 5 فى المية من البشرة ..ووظيفته زى مهو باين من اسمه يدى لبشرتك مرونة جميلة مش مثلا تضحكى ضحكة جامدة يقفش وشك شمال ههههه..تخيلى لو البشرة من غير هذا العنصر المرن ..سبحانك يارب ..وفى كل شىء له آيه تدل على انه الواحد..الغريب ان هذه المادة يتوقف انتاجها كما قرأت فى بعض الابحاث عند 15 سنة ..يعنى ربنا بيقولك خلى بالك من الشوية اللى عندك..حافظى عليها ..من عوامل التدمير اللى اشدها السجااااااير...البنات اللى بتدخن او بتشيش طبقا للموضة الجديدة ...انتظرو كرمشة قريبه ..و ذبولا حتميا غير متأخر..و الرجال طبعا ..بس اهو الراجل مش هتفرق معاه كرموشة ..بس الست ..اللى زينتها فى جمالها الطبيعى لازم تحتاط لذلك..الشد العصبى مؤثر قوى ...الهرمونات ودى باه ربنا يستر علينا جميعا منها ..حيث الفراخ المهرمنة ..و الفاكهة المهرمنة ..وربنا يستر فعلا ..و يجازى اولاد الحرام ..واكرر دااااائما ..الشمس يا اختنا الجميله ..تجنبى الاكثار من الشمس ..فالتعرض للشمس وان كان مفيد فالاكثار منه بالشكل اللى بيعمله البنات كارثة على البشرة ..لازم نقول ايضا ان اضافة الايلاستين لكريمات التجميل ميفرحناش خالص لانه مثل الكولاجين لا يستطيع المرور الى داخل الطبقة الفعالة فى الجلد..وفى بحث قراته فى احد الدوريات المتخصصة فى ابحاث التجميلجلدية ..ان هذه المواد او اجزاء منها اذا امتص فقد يسبب ما يسمى بجنون البقر ..يعنى حضرتك بتاخدى الكريمات علشان تعالجى او تتقى شر التجاعيد ..فتلاقى حضرتك ...ناكشة شعرك و بتجرى فى الفلاة ..و بتقولى ..هذا جناه ..الكريم على ...وما جنيت ..على احد
شكرا ليكم
د,حكيم زمانه

موسوعة((الطبيعة و جمال بشرتك))-4


خلصنا الطبقة الاولى من البشرة اللى اتمنى فعلا تكونو بتستفيدو من الرغى اللى بقوله ...كدة نشمر و ندخل طوالى الى الطبقة التانية ..اللى بيسميها اهل التخصص ((الديرميس))يبقى عندنا ((ابيدرمس ))و ((ديرميس)) حاجة سهله خالص ...واول ما نشوف من بعيد فى هذه الطبقة هو اشهر و اهم و اجدع ما فيكى يا بشرة ...نشوف حلم الشباب و اكسير الجمال سبحانك يا رب ...نشوف الياف الكولاجين ..وكم فيك اتقال من شعر يا كولا بيه ..على فكرة هوة اسمه مشتف فعلا من كلمة يوناينية اسمها كولا يعنى صمغ ..شوفته ازاى صمغ البشرة و مشد الجلد ..و اللى بيفرق الشاب عن العجوز ...و الصبيه عن ام جعموز..مين ام جعموز دى ؟؟عجيب حكيمو ده و الله ..الكولاجين ده عبارة عن الياف بروتينيه منتشرة فى معظم انحاء جسم الانسان يكفى ان تعلم انه يكون حوالى سبيعن فى المية من جلدك حضرتك..اللى هوة اكبر عضو فى جسم حضرتك برضو..الكولاجين ده بروتين ضام و منضر ..يعنى بيربط خلايا الجلد مع بعضها و يشدها ..مش بس كدة ده كمان بيمتص الرطوبة فينتفخ قليلا فيدى جمال للبشرة ...من المؤسف اننا نفقد واحد ونص فى المية سنويا منه عندما نبلغ 25 سنة ..يعنى كل سنة يقل فتقل مرونة الجلد و ترابطه ..و نبتدى نعانى مما يسمى ارتخاء الجلد و كرمشته او التجاعيد..اللى بتحاول كل شركات التجميل علاجه بكل طريقة ...المفيد جدا انك تعرفى ان مفيش منتج فيه كولاجين موضعى مفيد ...مفاجأة عارف بس دى الحقيقة ..لان اصلا صعب جدا انه يمتص لانه وزنه الجزيئى عالى جدا و لا يمكنه ان يخترق الجلد ...الامر التانى انه مش هيدوب جوة ..يعنى هيه خدعة تسويقية زيها زى كتير من الخدع اللى فى هذا المجال و التى تنتشر نظرا لجهل العامة الغوغاء بأسس((اللعبة))حلوة الحتة دى صح ؟؟ ...يبقى انك تحطى كولاجين من برة ده ملوش اى لازمة لانها بس هيلزق وشك و يشده زى الصمغ من برة ..وهيروح مع اول شطفة ..امال نعمل ايه ...الصح اننا نكثر جدا من المواد اللى بتساهم فى اعادة تكوينه ومنع تحطمه ..ودى المواد اللى بتحتوى على فيتامين سى و هاء و الف ..ودى طبعا الفاكهة كلها و الخضروات و البيض و اللبن و خاصة طبعا العائلة البرتقاليه لان فيتامين سى يدخل بقوة فى تركيب الكولاجين ..ينصح ايضا ببعض المكسرات الخفيفة ..علشان فيتامين هاء ..او تتناولى كبسولات زيت جنين القمح ..وده مصدر رائع لهذا الفيتامين ...قررت يوما ان اجمع هذه الحاجات فى قاعدة كريم ..اللى هيه فيتامين سى و الف و زيت جنين القمح ..لربما يستفيد منه الجلد و البشرة ..و استخدمت معاهم خلاصة الصبار لانها بتحتوى على عدد من الانزيمات المهمة لمنع تكسير و اعادة تكوين الكولاجين ..وعملته بالفعل و طلع فعلا حلو من الناحية التركيبية ..وهو تحت التجريب من عدد كبير من الفتيات اللائى يحلمن ببشرة ..بلا تجاعيد..وان كان ده على اطلاقه كدة ...غير ممكن..بمعنى انه مش ممكن نمنع التجاعيد..بس ممكن نقللها او ناخرها لحد منتمتع ببشرتنا .. لازم نقول كدة .لاننا تعودنا على ان نكون صرحاء و امناء مع بعض وان كنا خارج نطاق ...((اللعبة)) صدعتكم ؟؟
كفاية كدة انهاردة
د.حكيم زمانه

موسوعة((الطبيعة و جمال بشرتك))-3


كنا اتكلمنا عن اول طبقة من طبقات الجلد ..وعاوزكم تفهمو حاجة مهمة جدا ..ان الربط بين تشريح الجلد و التجميل مش بدعة و لا افتكاسة منى لأ طبعا ..ده فى موسوعات مؤلفة فى كدة ..ومنها على سبيل المثال واللى انصح بيه المتخصصين كتاب ..كوزمتك ديرماتولوجى..لمجموعة من المؤلفين..وده قد انقل منه احيانا بعض المعلومات المترجمة ...مش هطول عليكو..اتكلمنا عن الميلانوسيتس...و ذكرنا الكيراتينوسايتس و عدينا عليها بسرعة و علشان كدة زعلت جدا منى ..ولامتنى لانها مش اقل من التانيه ..و زيها زى التانيه مهمة جدا فى بشرة سيادة جناب حضرتك...وقالت لى يا عم حكيم بقى انا اللى بنتج الكيراتبن متتكلمشى عنى كلمة و اللى بتنتج الميلانين تعملها الهلولة دى ..مكنشى العشم يا عم حكيم .اثرت فيا قوى الجملة دى ..و اعتذر رسميا لكل خليه من طبقة الكيراتينوسايت المنتجة للكيراتين الذى لا يقل ابدا اهمية عن الميلانين ..و ارفع لها القبعة..يكفى انها منتجى لبروتين الكيراتتين اللى هوة البروتين الرئيسى اللى بيمسك خلايا البشرة و يشدها مع بعضها و يديها قوامها الجميل اللى بتبحث عنه كل باحثة عن الجمال فيك يا ارض..هديكو صورة خفيفة تبين لكم اد ايه الكيراتين ده قوى و متشعب و متكون من خيوط فى منتهى القوة بتتوغل و تشد جدران الخلايا و تدعمها
http://hakeemzamano.googlepages.com/762px-Figure1Intro2Keratin.jpg
الكيراتين لو حصله حاجة يا جماعه تختل قوة الخليه ..و تضعف جدرانها ..وده اساسا بيحصل تدريجيا مع السن ده طبيعى ..بس احنا مطالبين اننا نحافظ عليه ..لانه لو تعب بتترهل الخليه و تصحب حساسة جدا لاى مؤثر خارجى ودى بتكون حالة مرضيه ..مش بس بتنتج الكيراتين بل بتنتج احماض بروتينات اخرى وظيفتها ترطيب و تقوية جدران الخليه ومش مهم الاسماء علشان متتعقدوش ..
سؤال جميل جدا ....هل منتجات التجميل التى يكتب عليها انها تحتوى على كيراتين مفيدة ؟؟؟ طبعا كله هيقول طبيعى لانه بيمد البشرة بالكيراتين و يخليها اقوى و اجمد ..بس للأسف مش دايما صح ...لان هذا الكيراتين مستخلص من اجزاء حيوانية غنية بالكيراتين ..ووووااااوووو..كويس ..بس بطريقه الغلى الشديد و تحت ضغط عالى ..وده كفايه جدا لتحطيم كل ما هو كيراتينى فى المستخلص ...يعنى زيرو كيراتين وايه الحل و المفيد..ده فى العدد الجديد ..من السلسلة و القادم باذن الله
اتمنى تكونو استفدتو
د.حكيم زمانه

موسوعة((الطبيعة و جمال بشرتك))-2


تكمل موضوعنا ونفكر الناس بالصورة المهمة دى
http://hakeemzamano.googlepages.com/AboutHumanBody_01.jpg
و كنا اتكلمنا المرة اللى فاتت عن اول حاجة فى بشرة حضرتك وهيه الكيراتينوسايتس و قلنا اهميتها و ما يتعلق بيها ببساطة شديدة...انهاردة مع عمة الكل و حاجة من اهم مكونات الجلد و عليها بيركز كل اللى شغالين فى البحوث و التطوير فى التجميل و العنايه بالبشرة...وهيه الطبقة التانية الهامة جدا ..وهيه ((الميلانوسايتس))ودى هيه الخلايا المنتجةللصبغية الطبيعية للجلد ...وكمان الشعرو التى يتوقف على عددها لون الجلد الطبيعى وكمان الشعر ..وطبعا دى مسأله وراثية بحتة يعنى جينات بتحدد عدد الصبغبات دى فى كل جنس وكل انسان ..يعنى الاسمر يختلف عن القمحى عن الابيض عن الامهق ..اللى هوة بياضه غير طبيعى..
ساعة محضرتك تخرجى من البيت وتتعرضى للشمس كتير ..تتعرض معها خلايا الكيراتينوسايتس اللى قلناها لاشعة الشمس الفوق بنفسجية ..فتتاثر الخلايا دى ..و تستنجد بخلايا الميلانوسايتس...يا جارتنا العزيزة ساعدينى ..الشمس هتاذينى..الجارة العزيزة المنتجة للميلانين لا تخذل جارتها ..و عارفة حق الجار عليها ..فتبعتلها قوات من الميلانوسومز عساكر و ظيفتها حاجتين ...تجرى على نواة الخليه و مركز الادارة فى الكيراتينوسايتز و تحضنها و تمنعها من قوة الاشعة ..وكمان تمنعها من حدوث اى طفرات فى الخليه ..لان لو حدث اى طفرة فى الخليه ..يبقى نهار مدوحس ..طفرة يا جماعة = احتمال سرطنة ..ولذا يحذر كل خبراء و اخصائيو الجلدية من التعرض الكثير لاشعة الشمس الفوق بنفسجية..يعنى يا بنات بطلو لف ودوران فى الشمس ..اهدو كدة ربنا يهديكم ..صعود الاجسام دى للطبقة العليا ..بيدى اللون الاسمر..و تيجى البنت تقول ايديا اللى متعرضة للشمس اسمرت يا حكيم ..وشى اسمر يا حكيم ..ده يا بنتى نعمة من ربنا ...لانك ببساطة محتاجة السمار ده علشان تحتفظ بشرتك بقوتها و صحتها و نواتها ..
الغريب سبحان الله ..ان ربنا جعل لكل جنس يسكن منطقة شمسية محددة ..نظام ميلانينى خاص ...فلو سيادتك تعرضت لشمس اقوى من نظامك لفترة كبيرة يبتدى هذا النظام الميلانينى يتعب ..وقد يصاب بالفشل ..يعنى يلخبط فى شغله ..يبتدى يتكون بقع سوداء مركزة ..مش موزعة صح ..او منطقة كبيرة برضو مبقعة ..وده صعب جدا فى علاجه لانها خلل فى النظام اصلا ..فى بعض الحالات تكون البقع ناتجة من سبب هرمونى ..وده بيظهر فى السن الكبيرة ..ودى بتظهر فى الناس كبار السن ..
اذا: **سمارك يا ستهانم مش غلط...و الله دى حاجة كويسة ..بيحافظ بيها جسمك على بشرتك ..فمن الخطأ جدا استخدام المبيضات خاصة الكيماوية منها عمال على بطال و خاصة لو كنتى مازلتى بتتعرضى للشمس و اشعتها ..سيبى بشرتك تحافظ على قوامها ..
** استخدام المبيضات عمال على بطال يمنع تكوين الصبغية و مقاومة الاشعة مما يؤدى الى مشاكل منها حرق الجلد ..و سرطان البشرة ...
**التعرض للشمس المبالغ فيه يؤدى الى مشاكل جلدية عنيفة ..خلى بالك
**بعض الانسات يستخدمن الكورتيزونات للتبييض ..وده فى منتهى الخطورة ..لانه بجانب انه يعرض بشرتك لمشاكل التبييض اللى قلناها ..فانه يؤدى الى امتصاص كمية كبيرة جدا من الكورتيزونات البشعة..ومن ذلك تركيبة البنات بيعملوها مكونة من البيتاديرم مع اى كريم مبيض غالبا فيه هيدروكينون ..وده فى منتهى الشراسة على البشرة..و ليتق الله بعض الاطباء اللى بيكتبو التركيبة دى لمجرد التفتيح ..حرام و الله يا جماعه..
كفايه عليكو كدة احسن انضرب
شكرا ليكم
د.حكيم زمانه

موسوعة((الطبيعة و جمال بشرتك))-1


نسمى الله و نبدأ ..واتمنى انه يكون فى تواصل اكتر من كدة علشان احس بالانتعاش و الثقة بالنفس ..معلش هنبدأ بمقدمة و معلومات خفيفة تمنع بلاوى عنيفه..الغرض منها تعريف البشرة و هيه عبارة عن ايه علشان حضرتك و حضرته نقدر نفهم طبيعتها و ازاى نتعامل معاها ..لان من الصعب التعامل مع حد مش عارفينه ..متهيالى موافقينى
*ببساطة كدة بشرة حضرتك متكونة من تلات طبقات بس للاسف مفيش الاستك هههههههه..وهديلكم صورة توضيحية علشان الموضوع يبقى سهل ..عارف ان البعض مش بيحب الكلام ده بس مش وحش اننا نفهم الصح و نتعامل على اساس علمى سليم ..و ده علشان سيادتك متنخدعيش من كل من هب و دب و من ماهيتاج و باريتاف بتوع مراكز التجميل اللى مش فاهمين حاجة و عاملين انهم و لا المطرب العالمى ارفس برجلى ..
**الطبقة الاولى ..اسمها ..الابيديرمس ,,مش الابيترمس ..مش علشان عيد الفطر نسميها ترمس ..اسمها ابيديرمس..ودى انا موضحها فى الصورة دى
http://hakeemzamano.googlepages.com/AboutHumanBody_01.jpg
ودى زى منتو شايفين فى الصورة طبقتين ..اللى فوق دى الصفرة اسمها غلس شوية بس مهمة قوى و مفيدة جدا ..اسمها الكيراتينوسايت ..يعنى الخلايا المنتجة للكيراتين ..دى خلايا مهمة جدا و بتتجدد تلقائيا ..من تحت لفوق يعنى الخلايا الجديدة تطلع من الطبقة اللى تحت و تدفع الخلايا القديمة لفوق لانها خلاص شاخت و راحت عليها ..سبحان الله ..العمليه دى بتتم كل 30 الى اربعين يوم ...يعنى خلايا تموت و تطلع فوق و خلايا تنمو جديدة ..قانون الحياه..كل شىء هالك الا وجهه..حتى فى جلد حضرتك..من هنا نستفيد قاعدة تجميليه ممتازة..استخدمى مقشر لطيف مرة كل شهر ..علشان الخلايا اللى طفت و طلعت فوق نتخلص منها ..و نلمع كدة الوش الجديد..بس بشرط مقشر لطيف و غير مؤذى لان الخلايا الجديدة شابه و حساسة و رهيفة الاحساس..عايزة تؤذى الطبقة دى ...أكيد لأ..يبقى نبعد عن حاجتين ..التعرض لأشعة الشمس الشديدة و الفوق بنفسجية لانها بتدمر الخليه دى ..ودى قاعدة تجميليه جديدة ..ثانيا ...بطلى استخدام المنظفات عمال على بطال ..خاصة العنيفة ..استخدمى منظف بعقل و لطف ..مش كل يوم هاتك يا دعك فى بشرتى و لا كأنها حلة الومنيا ..يبقى انهاردة من التشريح الخفيف ده استفدنا تلات حاجات
*افضل التقشير ما كان شهريا
*تجنبى الاشعة فوق البنفسجية قدر الامكان و خاصة وقت ذروتها
*اوعى تصدقى انك كل يوم لا زم تستخدمى ماسك منظف لا لا ابدا...بتؤدة و حنيه ...
كفايه كدة انهاردة
شكرا ليكم
د.حكيم زمانه

الأربعاء، ديسمبر 23، 2009

الأرق ..و الحب___2


تركيبة الارق او صعوبة النوم او ((الانسومنيا ))على حد قول المثقفين فى المجتمع ودول كل يوم يهبو فوشى فى الجروب ...ولولاش انى حاطط واقى كويس كان زمانى اتشلفطت من زمان ..التركيبة دى معتمدة ..بمعنى محدش يجى يقولى يا عم حكيم منين الكلام ده ..كا عناصرها معروفه كمهدئات طبييعية و مضادات للارق و ومقاومة لصعوبة النوم ..اللى جابهولنا اللى ميتسماش ...الحووووووب
تتكون من الاتى :
*عشبة جذور الناردين المخزنى ..او الفاليريان ..وجدير بالذكر ان العشبة دى لا علاقة لها من قريب و لا بعيد ..بحادث المنشية ..قصدى دواء الفاليوم الشهير و المنوم ..ده مجرد تشابه اسماء ودى بنسبة 30% فى تركيبتنا الموقرة
** حشيشة الدينار ..او الجنجل ..ودى احد اهم الاعشاب المستخدمة فى التهدئة العصبية و علاج الارق من القرن الثامن عشر ...وعلى فكرة بتضيفها كثير من شركات المشروبات الغازية ..مش لانها بترقص ..لا لانها بتهدى شويه ..ودى بنسبة 20%
*** عشبة الكاموميل اعنى الزهرة ..ودى من احب الاعشاب الى نفسى لانها فعلا فعاله فى عدد كبير جدا من المشاكل سواء الجلدية او الهضمية او العصبية ..ودى بنسبة 30%برضو
****زهور اللافندر ...وطبعا مش غريب على المتخصصين ذكرها فى هذا الباب وان كانت غريبه على غير المتخصصين ..و المشهور عند الاروماثيرابيستس ..اللى همة بيعالجو بالزيوت انها فعاله كزيت طيار ...وبرضو كعشبة داخلى كويسة جدا كمهدىء ..ودى بنسبة 20% من التركيبة ..
____
تطحن الاعشاب ...و تخلط وتوضع فى بطرمان غامق اللون طبعا زجاجى ...و تتعمل كشاى كشرى تشرب ثلاث مرات يوميا ...لو حسيت بنتيجة جامدة فى غير وقت النوم استخدمها مرتين يوميا ..بس خليها من العصر مثلا ..للوصول الى تاثير النوم المطلوب...طبعا بنصب الماء المغلى على الاعشاب و نسيبها ربع ساعه او ثلث مغطاه ..ثم تشرب كما وضحنا ...
ان شاء الله التركيبة هتعجبكم جدا ...بس كنت عاوز اقول ان ريحة الفاليريان مش حلوة شويه فاستحملوها ..لو العطار ادالكم فاليريان من غير ريحة مميزة و غير مقبوله ...يبقى مغشوش ...وياريت نتجنب كل العوامل المؤديه ...الى سور الكورنيش العظيم ....شكرا لكم
د.حكيم زمانه
Bibliography

* Bell, V.L. 1925. A Glossary of Indicated Remedies and Disease Names and Definitions. Cincinnati: Lloyd Brothers Pharmacists.
* Boericke, W. 1927. Materia Medica with Repertory. 9th. Philadelphia: Boericke & Runyon.
* Bruneton, J. 1995. Pharmacognosy Phytochemistry Medicinal Plants. Paris: Lavoisier Publishing.
* Ellingwood, F. 1983. (1898). American Materia Medica, Therapeutics and Pharmacognosy. Portland: Eclectic Medical Publications.
* Rakel, R.E., ed. 1996. Conn's Current Therapy. Philadelphia: W. B. Saunders Co.
* Spaich, W. 1978. Moderne Phytotherapie. Heidelberg: Karl F. Haug

الأرق .....و الحب 1


موضوعنا النهاردة هوة موضوع الارق ..وده موضوع انتشر بشكل جامد جدا ..حتى انهم عملو مسلسل لا انام ..واصبح شعار لكثير من الشباب..احد اهم اسباب الارق هذه الايام هوة الحوووووووب..لازمه اقوله و اتنهد طبعا ..ويا عجبى على حب الشباب اليوميندولين على راى عضوة زريفه ...الزبون ماشى فى امان الله ..عدت من جنبه فتاه الاحلام لابسه طرحة مزركشة ..وحاطة عطر عفن الليالى ..الزبون اتلوح ..ولف حوالين نفسه ..وتمركز و تحفز..و تقفز...واصيب بنوبه حبيه عاليه الفولت ادت الى صرع قلب البعيد..طبعا روح البيت لا عارف يذاكر و لا يركز..جرى يشترى كتاب فى الحب و اعراضه ..الانتحاب فى اعراض الحب الهباب...باب كيف تعرف انك تحب ..فصل هل تعانى من هذه الاعراض ..قسم انا اسال وانت تجيب ..خن ركز معايا تعرف هوايا..اه فعلا ده كله عندى ...صح مش مركز ..ومقفز...ومتحفز...ومتنرفز
..يا ويح قلبى ...وسهر الليالى اشتغل ..و تنح البيه ..و ساب دقنه ..و فلفل شعره ..واخذ يبكى على ليلاه ...وللاسف ليلى لم تبك على احد..نفسى اعرف حبها ازاى و امتى و ليه و ليس و اصبح و امسى و مانربط وما انفك...
قابلت مرة شاب يعانى من ارق و بيصرف دوا ...فبقوله من ايه حالتك دى يا بيه ..قالى حبيت و اديتنى زمبه ..قلت له وايه نوع الزمبه حاكم ده تخصص ليه انواع و اقسام ..قال سابتنى و اتجوزت غيرى..قلت له مهو ده المنطقى ..امال هتفضل سارحه معاك لحد متدفنو سوا على الكورنيش ..هيعملى لى فيها احدب نوتردام البيه ..
اما عن البنات ..فدى عاوزة لها كتاب لوحدها ..البنت لما بتحب بتبقى كارثه على الصعيد الدولى و العالمى ..و البنات اليوميندولين برضو ..بيحبو قبل ميشوفو الحبيب ..وطالما ربنا مبارك لنا فى كليبات الغرام و اغانى الحب المركز..يبقى ياما هنشوف ..كل مركب عربيه مع حد او ميكروباص كله حب فى حب ..حبها و هجرته ..حبته و هجرها ..قتلنى البعيد...رمانى الكئيب...بكانى سنين ..عيطنى الحنين ..سابتنى و خلعت ..وعينها اللى سهرت ...لما بنزل من العربيات مخلص علبتين كلينكس ..وربنا يستر..
اما ارق المتجوزين ....فده فيلم كبير قوى ...البيه سهران و الهانم سهرانه ...و الاتنين عندهم ارق ....جنب بعض و عندهم ارق ....يا محاسن توفيق..قصدى يا محاسن الصدف ..طب كلمها ..يبرطم ابدا...طب كلميه ..تتقمص مش ممكن ...اصل البيه مجابليش الشامبوريال االلى انا طلبته منه وده عكنن عليا ..وطبعا عليه ..عيشتى ...يا انهار ازرق الشامبوريال مرة واحدة لا لا ملوش حق ...يا عم هاتلها الشامبوشلن و ريحها ...لا طبعا يا حكيم ..الهانم اطلب منها تعملى بتنجان بالشاليموز و ترفض ...لا لا لا كده بأة ليك حق ...ليه يا وليه كدة ...ده حتى الشاليموز متوفر ومغرق الدنيا ...وغالبا ..معظم حالات الارق ..لا تستحق الارق ..بل تجيب الارق ..
_______
وفى احد الكتب الرائعه للعشاب الامريكى الهايل كريستوفر هوبس عمل باب سماه .نظافه النوم شويه نصايح شيك جدا لتجنب الارق و النوم....النضيف حبيت اقولهالكم قبل التركيبة
*نظم نومك بمعنى استيقظ ونم فى ساعات ثابته ...حتى لو اختل النظام فى يوم فاستمر عليه حتى لا تصيب الساعة البيولوجية بلخبطة
* نم كمية مناسبة للانشطة اليومية ..بمعنى لا تكثر من النوم فى يوم لا تبذل فيه مجهود و العكس
*مارس رياضة خفيفة قبل النوم بثلاث الى اربع ساعات
*نظم و نظف مكان نومك ..حتى يكون ملائما لنوم نظيف و عميق
* حافظ على درجة حرارة غرفتك معتدله ...الحرارة العاليه تفسد النوم
*لا تكثر من السوائل قبل النوم فلربما تكثر من رحلاتك الى الحمام
*تجنب التدخين او المشروبات المنبهه المحتويه على الكافيين قبل النوم
* انته من مناقشاتك و مشاكلك الاجتماعيه قبل ذهابك للفراش يعنى خلص مشاكلك قبل متروح تنام
*نصيحة رائعه ..لو لقيتك مش عارف تنام قوم و زاول اى نشاط ذهنى ...اقرى ...حل كلمات متقاطعة ..وانصحك تبص فى كتاب دراسى هتنام على طول
* بيقول لو معرفتش تنام بعد ده كله ..مارس رياضة اليوجا او اى رياضه استرخاء ..وانا بقول ..اقرى صفحة من القران بتركيز...او صلى ركعتين ..وصلى على النبى

حكيمو ...وحصى المرارة __2


الجزء الثانى و الهام و المفيد من حصوات المرارة ...هو كيف تقى نفسك شر الاصابة بالحصوات ابتداء....وزى مقالو قبل كدة ..دينار وقايه خير من قنطار علاج ...وليه ندخل نفسنا فى مشاكل ..طبعا هيتنفض متخصص و يقولى يا حكيمو بس احنا اخدنا انها قد تكون وراثه ..وانه فيه اجسام ليها قابليه لتكوين الحصوات سواء كانت كلوية او مرارية ..اتنفض انا كمان واقول صح يا عم المتخصص ..بس لما نمنع الاسباب و ييجى الجسم يحاول يكون ..مش هيلاقى ..وحتى لو لاقى نسبه قليله هيكون حصوة صغيرة جدا قابله للذوبان او المرور السهل ..مش نسيب نفسنا لحد متلاقى جواك قالب طوب و تقولى وراثة .....مش عاوز ارغى كتير ..حاكم انا رغاى و لسانى زالف ..زى الواد بتاع كفر ابو عامر ...نخش فى المفيد :
1- اذا كانت الحصوة اساسا مكونة من الكولستيرول مع حاجات اخرى يبقى لازم و حتما و لابد انك تقلل ((مش تمنع))كمية الكوليسترول و ده بطريقتين ...
* قلل كمية الكوليسترول فى طعامك ..يعنى كل حاجات مش عاليه الكولستيرول ..ودى الحمد لله متاحة و على كل علبه هتلاقى ((لا يحتوى على الكوليسترول ))لدرجة انه اطعمة مفيهاش كولستيرول اصلا الشركات بتكتب عليها هذه العبارة ..طبعا نوعا من الدعاية ..و اسالونى أنا
*استخدم الاطعمة التى تذيب و تقلل من الكوليسترول ...و على راسها الثوم و الخرشوف و الحلبه و غيرها من الاطعمة اللى ان شاء الله نعملها حلقة مخصوصة ..
2- قلل من وزنك ...ابحاث كتيرة جدا بتقول ان فى علاقة بين زيادة الوزن اللى هيه السمنه يعنى و بين تكون حصوات المرارة ...خسى يا شيخة باة شوية ...و ارحمى الراجل الغلبان ده ...يا حريمنا مش معقول يكون فى فضائيات و محطات مترو ..و على كل لون يا سترتش و حضرتك عمالة تبلعى فى محشى و رز و بطاطا و بطاطس و عيش ...هتيجى بعد كم شهر تلاقى الزبون هرب الى غير رجعة ...وحضرة الامور الى سايب نفسه لما بقى عامل زى كيس القطن ..قليل من السمباتيكية ...لجذب قلب الآخر ..و الله مجيبلنا وجع القلب الا الآخر ده ...خلى نفسك شيك و خلى نفسك يا ستى ديكلواز ..وبرضو نتجنب شر حدوث الحصوات ..
**و هنا ملاحظة فى غايه الخطورة ...آه زيادة الوزن لها علاقة بالحصوات المرارية ..بس برضو آه فى علاقة بين النقص المفاجىء فى وزن الجسم ..الريجيم القاسى اللى بيعمله بعض البنات بالذات فى منطقة الخليج ...و بين تكون الحصوات المرارية ...اعرف بنت كانت بتعمل ريجيم .مش عارف ليه بصراحة ..انا كنت بشوفها بالعافيه ..بس برضو مصممة تعمل ريجيم ..لحد ما اغمن عليها و خدوها المستشفى و طلعت تعانى من انيميا ...و فقر دم ...و حصوات كمان ...دى مش تعمل ريجيم ..دى تعمل دبلوما نحو اميه علشان تتعلم .خلو بالكم خير الامور الوسط...و انصح بتناول زيت الزيتون اثناء برنامج الرجيم لمنع تكون الحصوات ايضا ...بس طبعا بكميات معقولة ..منع لانتفاض اى متخصص
3- قلل من تناول الدهون عامة و المشبعة خاصة ..يعنى ايه مشبعه اللى هيه الدهون العادية فى الاكل ...الفراخ و اللحم ..و الزبدة بانواعها ..جسمك مش محتاج من اكتر من 25 جرام يوميا من الدهون ...يعنى حاجة بسيطة جدا بتاخدها فى وجبة خفيفة ..مش لازم نلهط حته دهنه كل يوم ..او نديلها طبق عسل بالقشطة او الزبدة ...خف تعوم يا اخينا .
4- استخدم الدهون غير المشبعة ...كم كبير جدا من الابحاث يحث على تناول هذا النوع من الدهون((بس متحرمش جسمك من النوع التانى))فى علاقة بين هذا النوع و بين الوقايه من الحصوات المرارية ...ده موجود فى زيت الزيتون ..انصحكم جميع اطبخو بزيت الزيتون ..حطو زيت الزيتون على السلطة ..اياكم ان تخلو مائدتكم من زيت الزيتون اجمل زيت غير مشبع ..و كذلك زيت بذور الكتان وده عامل ثورة برة((مع تحفظى على استخادمه المستمر))كمان زيت السمك ...كل سمك كتير يا عم زيت السمك رائع فى الحصوات المرارية بس طبعا مش زى زيت الزيتون ..شكل و نوع و استفيد..و سيبك من كتر الدهون البلدى و النيوزلندى دى ...
5- قلل السكر: ...فى بحث جديد انه فى علاقة بين السكر و بين زيادة معدل الاصابة بحصوات المرارة ...يا سلام لو نكتر من العسل ...و نقلل من السكر العادى ...مع انى من محبى السكر ....بس و الله بقلل منه فى اوقات كتيرة ..خوفا من اضراره ومنها حصى المرارة
6- زود تناولك من الالياف فى الطعام ....وطبعا دى كلها دراسات و ابحاث ..الالياف تعد الان العنصر الاهم فى البلاد المتقدمة لما لها من فوايد كتير منها منع تكون حصوات المرارة ...نبطل العيش قليل النخاله ...نزود تناول الالحبوب المطخونة ...و الفواكه ذات الالياف العاليه ...نوع الالياف و متحرمشى نفسك منها لانها بتمنع تكن الاحماض المرارية الثانوية عن طريق سرعة اخراج فضلات الامعاء ...ومنع البكتريا المعوية من تكوينها ..يعنى طريقة كدة خنيقة شوية ..اللى يهمك انك تزود الالياف عموما فى اكلك ...
7-لا تجعل تناولك للبروتينات مقصورا على بروتينات الحيوانية فقط......ضيف بروتينات نباتيه كمان للوجبة ..الاقتصار على البروتينات الحيوانية مصدر من مصادر زيادة تكوين حصوات المرارة ..ادى له مكسرات ...حبوب ....بقوليات ..نوع و لا تركز على البروتين الحيوانى فقط..
8- تناول الاطعمة المحتوية على الليثيسين ...فكومة من الابحاث تؤيد انه يقى من الكوليسترول و حصوات المرارة ...عن طريقة تحويل الكولسترول لمادة قابله للذوبن فى الماء ...لانه بيسموه عامل استحلاب ...كتر من صفار البيض ..طبعا بالمعقول .. و السمك ..و الخضروات الورقيه ..الكبدة و جنين القمح ..و فول الصويا بس مش جامد بالنسبة لفول الصويا ..
9- كتر من فيتامين سى فى اكلك ...لانه بقلل من تكوين الكولستيرول و يذوب حصوات المرارة كما تقول بعض الابحاث ...الطبيعة مليانه بفيتامين سى ....البرتقال و الليمون و الجوافه و الشطة و الخس و الكرنب و غيرها من الاطعمة الغنيه بهذا الفيتامين ...مش لانه بيقوى جهاز المناعة بس و لا لانه مضاد للاكسدة بس ..كمان لانه هيقلل من حصوات المرارة عند سيادتك .
10- تناول كمية كافية من الماء يوميا ..وده مهم جدا لمنع تركيز العصارة و ترسب الطين المراى و الحصى .لترين لتلاته يوميا حاجة ممتازة لحاجات كتير قوى دى منها .
**خبر عجبنى :بحث بيقول ان تناول القهوة يقلل من الاصابة بحصى المرارة ..بس طبعا بالاحتياطات المعروفة لمرضى القرح و القلب و الضغط
***خبر معجبنيش :تناول كمية من الكحوليات ..تمنع الاصابه بحصى المرارة ...وده كنا سمعناه عن حصى المرارة ...بس يبقى الحكم قول الله ((و اثمهما أكبر من نفعهما ))اكيد طبعا ..و لسه الايام هتثبت اكتر .

حكيمو ...وحصوات المرارة ___1


هنتكلم انهاردة فى موضوع هام جدا ...وده كان سؤال جالى على الخاص ..بس فعلا لفت انتباهى ....لانه موضوع منتشر و مهم ...ومفيد انى اتكلم فيه ...و اللى اسعدنى ان عدد جيد من الناس استجابت لنصايحى فى موضوع البرد بل و جربت ...و عدد كويس الحمد لله استفاد
كما اكرر و انادى و الح ...تأكد ان الاعراض التى تعانيها هى حصى المرارة اولا ...عن طريق اخصائى باطنة باجراء التحاليل و الاشعات المطلوبه ...و بعدين ابحث عن الدواء..وهو للحمد لله متوفر فى الصيدليه الخضراء ..وقوى ايضا ..
*قبل متكلك عن العلاج ...احب بس اقول ان المرارة وظيفتها افراز العصارة المرارية التى تساهم فى هضم الدهون و المواد الدهنيه ....اللى بيحصل ان كل مسيادتك تاكل دهون ..تتملى المرارة بالعصارة استعدادا للهضم ...اول مينزل الطعام الدهنى للامعاء عند الاثنى عشر كدة ..تاخد اشارة بالافراز ...يتحرك السائل ليصب داخل الامعاء الدقيقة ....احيانا وفى بعض الافراد يتحول مكونات العصارة ((و التى تحتوى على الكوليسترول ))بالاشتراك مع فاتن حمامة ..قصدىمع بعض المكونات الاخرى تتحول الى حصى ..كنوع من انواع الحيود عن الطبيعى ((زى اللى بيحصل برضو فى حصى الكلى ))و ده بيترسب فى المرارة ..المشكلة ليست فى تكون الحصوات..المشكلة الاساسية اذا ما تحركت هذه الحصوات مع مرور العصارة ..لتسد احيانا القناة المرارية مسببة الم لا يطاق ...و احيانا حمى و احيانا قىء...((راجع الطبيب))وانا شفت بنفسى حالات الامها فعلا مبرحة ....طيب ايه الحل فى الموضوع ده يا عم حكيم ..يا خنيق ((مع انىمعملتش الكويز لسه )) شوفو يا جماعة ..هوة فى جانبين ..
*الاول : تخلص من حصوات المرارة
**الثانى : امنع تكونها ابتداء
ناخد الجزء الاول : كيف تتخلص من حصوات المرارة ...
*ابتداء ...لا تتناول اى اعشاب او ادوية طاردة للحصى اثناء نوبة الالم ..لان ده هيخليك تصفر ...مش ذكاء انى ازود قوة الطرد اللى هيه سبب الالم ..و دى مش محتاجة فكاكة ...لو عندك نوبة استعن بطبيب,,نودى الالم الاول و بعدين نشوفلنا صرفة مع الحصوات .
**استخدم اعشاب مذيببة و طاردة للحصوات و على راسها :
1-الهندباء ...جذورها تعد من اقوى مذيبات و طوارد حصى المرارة ..والدواء الالمانى المسمى ((هيباتوكول))ليس الا خلاصة جذور الهندباء المرة مع بعض اعشاب اخرى مساعدة ..طيب اجيبه منين ..ببساطة من عند اى عطار فاهم قله عم حكيم بيسلم عليك و بيقولك ادينى تمن جذور هندباء...هذا الدواء فعال جدا فى طرد حصى المرارة ..و الهندباء من اعشاب الكبد عموما الرائعة ...وهى اقوى مدر بولى طبيعى ..معلومات ببلاش اهى ..استخدمها كشاى عادى خالص..و لمعلوماتكم الخاصة جدا ..فى اوروبا الان يستبدلو القهوة العادية بقهوة مكونه من جذور الهندباء المحمصة ..فى منتهى الفايدة ...
2-milk thistle المعروف بالعربى بشوك الجمال او العاقول ...وده من اشهر و
افعل واجمل الاعشاب فى مشاكل الكبد ...عموما و المرارة خصوصا ..وده بيستخدم فى الوقايه من تليف الكبد الفيروسى ..وكمان كمذيب لحصوات المرارة ..وهوة موجود فى الصيدليات بس خلاصة معايرة من السيليمارين الفعال ...تحت كذا اسم منها ((ليجالون ))و غيره ..استخدمه حسب الجرعة فهو مفيد جدا فى هذه الحاله
3-البرباريس :وده الجزء الفعال فيه هو الجذور ...وهو موجود عند معظم العطارين ....وهو طارد قوى للحصوات و يستخدم ايضا فى علاج حالات اليرقان ..طبعا اللى يعرفها المختصين ويحتوى على ما يسمى البربيرين ودى المادة الفعالة القوية فى هذا الموضوع ...و فى غيره كمان ...
3-العائلة النعناعيه كلها ....من نعناع و حصى لبان و نعناع القط و غيره ...وده طبعا يستخدم كشاى عادى ...و افضل من ذلك استخدام كبسولات زيوتها ...و اللى طبعا ميعرفوش كتير من المتخصصين ان دواء ((الرواكول )) الالمانى ما هو الا هذه الزيوت مجتمعه ...تناول كبسولتين منه مع الوجبات للحصول على اقوى النتايج ..
4-الزنجبيل : وجدو ان الزنجبيل يمنع تحويل الكوليستيرول لحصوات فى المرارة وانه بيحوله الى احماض مرارية ..اللى هيه داخلة فى تكوين العصارة المرارية السائلة ....ينصح لمرضى المرارة بتناول جرام من الزنجبيل يوميا ...و الاستمرار عليه ...
5-الكركم : وده وصيف الزنجبيل ...وجدوا ان تناول جرام من الكركم يوميا يزيد من افراز العصارة الصفراوية بمعدل يصل الى ست اضعافه ..وده طبعا يمنع تكون الحصوات التى لم تتكون و يساعد فى طرد الحصوات المتكونه ...وان كان لا يذيبها ...دكتور جيمس ديوك يوصى بضرورة تناول الكركم فى حالات حصى المرارة ...
6-الارض شوكى او الخرشوف ...من اجمل مقويات الكبد و مفرزات الصفراء و مانعات تكوين حصى المرارة و طردها فى حالة وجودها ...استخدم شوربة الخرشوف ..او تناوله كسلطة دائما ...فهو رااائع فى هذا الباب..
كده امامك خيارات كثيرة ..انصح بالبرنامج التالى مما سبق
*مشروب جذور الهندباء كالمعتاد ...معلقة كبيرة يصب عليها كوب ماء مغلى و يترك و يشرب ...او كبسولات الجذور 2 كبسولة 500 مجم ثلاث مرات
**ليجالون اقراص قرص ثلاث مرات يوميا
***رواكول كبسولات 2 كبسوله مع الطعام ثلاث مرات يوميا
****2 قرص زنجبيل 500 مجم بعد اغذاء
*****معلقة كركم صغيرة صباحا و مساء او 2 كبسوله كركم 3 مرات يوميا
*هام جدا :
لا بد من متابعة الحالة مع طبيب او اخصائى اعشاب فاهم جدا ...وكلما كانت الحصوات اصغر كان خروجها اسهل جدا ...اخبرى طبيبك انك تتناولين بدائل دائما

برنامج...التهاب الكبد الفيروسى -سى _3


كنا تكلمنا على اول ثلاث استراتيجيات ...هاجم الفيروس ...قوى جهازك المناعى ...ثم احمى كبدك ...
نيجى للاستراتيجية الرابعة و الاخيرة وهو هامة جدا...ليه ؟؟لاننا فى حالات الاصابة بالفيروس يترتب على هذه الاصابة مشاكل بالكبد وضعف الكبد و بالتالى تختل بعض الوظائف التى تعتمد على الكبد و قوته اسا..فتبدا ظهور اعراض منها النزيف و سوء الهضم و تجمع السوائل ...وغيرها ..انا لا ادعى ان هناك اعشاب لعلاج هذا الخلل كله ...ولكن اجزم ان هذه الاعشاب ضمن البرنامج تساعد فى الحد من الخلل و تساعد على اعادة بعض الوظائف و تظبيط بعض الخلل ...وده نفسه اللى بيدوه فى الجانب الكيماوى ...والحمد لله انا ملم بالجانبين ...تعالو نشوف الاستيراتيجية دى وهى
دعم وظائف الكبد و عدل الخلل الناتج من ضعفه :
ودى يدخل فيها الاعشاب التاليه :
1-الهندباء ...ويستخدم فى ذلك جذور النبات ..فى اوروبا البعض يستخدمها محمصة لتحسين الهضم و فتح الشاهية المسدودة جراء خلل الكبد ...و تدر البول فتساعد على التخلص من تجمع السوائل ..ومنشطة لزظائف الصفراء ...وبعضهم يستخدم النبات كله وده احسن و افضل لا سيما الاجزاء الهوائية الطازجة فى السلطات ..حتى الزهور فيستخدمونها لاحتوائها على الكولين الهام فى هذا الباب...
2-الخرشوف ..و يسمونه الارض شوكى ..ومعظم شركات الاعشاب تدخل خلاصته ضمن الكبسولات المنشطة كبديا ..و بالطبع فالطازج افيد و اقوى ممكن يستخدم كسلطة او مشروب كعصير للاوراق الحرشوفيه او حتى نقيعه ..وهو مخفض للكوليسترول و منشط كبدى و مدر للبول ايضا ...مما يجعله مفيد جدا فى امراض الكبد و خاصة التهاب الكبد الفيروسى
3-الزنجبيل ...وما ادراك ما الزنجبيل ..بعض الثقافات تستخدمه وحده بجرعات عاليه للقضاء على الفيروس الكبدى ..وانا اثق فيه جدا ..فهو مهضم جدا و مضاد للانتفاخات التى غالبا ما تصاحب هذا المرض ..منشط للدروة الدموية التى تضعف فى حالة هذا المرض ...مطهر معوى ..مضاد قوى للقىء و الغثيان المصاحب لهذا المرض ..
4- البابونج او الكاموميل ...وهو ايضا مقوى للمناعه ..و لكنه فى البرنامج مكمل لوظائف الكبد كمهضم و مضاد للانتفاخ ..يمكن استخدامه كازهار او زيته المستخلص ..و لكنى افضل النبات الكامل كما هو اعتقاد معظم عشابى العالم المحترمين ..
5-الشمر : على قائمة الاعشاب المضادة للانتفاخ و سوء الهضم و المصاحبة لهذه الحالة .....
___________________
يبقى ...برنامج سهل و مفيد....و فعال ...على مسئوليتى الخاصة ...
هاجم الفيروس
قوى مناعتك
احمى كبدك
نشط و ساعد و ظائف كبدك ..
بما ذكرناه من اعشاب مقننه و مثبته ...تتخلص تدريجيا منهذا الفيروس الكئيب ...وترمم كبدك ...و تحافظ عليه
***طبعا كثير من الابحاث تضيف عناصر اخرى ولكن ده البرنامج الذى جربته مع عدد كبير من المرضى فى حالاتهم الاولى و المتوسطة ...ورايت نتايج جيدا جدا ...وربنا يعافى كل مريض واشكركم جدا لمتابعتكم
د.حكيم زمانه

للمتخصصين :
BIBLIOGRAPHY

* Frawley, D. & Lad, V. The Yoga of Herbs, an Ayurvedic guide to herbal medicine. Lotus Press, Santa Fe [1986].
* Hirosho Hikino. Chinese medicinal plants used against hepatitis. In [H.M.Chang et al. eds.] Advances in Chinese Medicinal Materials Research. World Scientific Publ.Co., Singapore [1985].
* Hobbs, Christopher. Foundations of health. The liver and digestive herbal. Botanica Press, California [1992].
* Hobbs, Christopher. Milk thistle: the liver herb. Botanica Press, California [1992].
* Keys, John. Chinese Herbs. Their botany, chemistry and pharmacodynamics. Charles Tuttle Co, U.S.A. [1976].
* Murray, M. & Pizzorno, J. Encyclopaedia of Natural Medicine, Macdonald & Co.Ltd., London [1990].
* Pengelly, Andrew. Assessment of hepatoprotective remedies. Australian Journal of Medical Herbalism Vol. 7 pp. 17-20. [1995]
* Pengelly, Andrew. Herbal feature- St.Mary's Thistle. Herbal Thymes Vol. 6 pp.14-18 [1994]. Globe artichoke Vol. 5 pp. 5-8 [1993].
* Shead, A. et al. Effects of Phyllanthus plant extracts on duck hepatitis B virus in vitro and in vivo. Antiviral Research Vol.18 pp.127-138 [1992].
* Vailati, A. et al. Randomized open study of the dose-effect relationship of a short course of (a Silybum marianum extract) in patients with viral or alcoholic hepatitis. Fitoterapia Vol. LXIV pp. 219-228 [1993].
* Weiss, R.F. Herbal Medicine. Beaconsfield Pub. Ltd. U.K. [1988].
* Zhou Qingjun. Chinese medicinal herbs in the treatment of viral hepatitis. In [H.M.Chang et al. eds.] Advances in Chinese Medicinal Materials Research. World Scientific Publ.Co., Singapore [1985].

برنامج ...التهاب الكبد الفيروسى-سى _2


تكلمنا عن الاستراتيجيتين الاوليين الخاصتين بموضوع التهاب الكبد الفيروسى-سى ...و قلنا ان الاولى مهاجمة الفيروس ..و الثانية تقوية جهاز المناعه ..كطريقة غير مباشرة ايضا لمهاجمة الفيروس ...
الاستراتيجية الثالثة :
***احمى الكبد :مش بس كفاية اننا نهاجم الفيروس ..لاننا بمهاجمتنا ليه اكيد هيهاجم بدوره مكان تواجده كناحية دفاعية ...رد فعل يعنى ...فلازم ابقى متخذ الاجراء الكافى لذلك ...الفيروس لما بيهاجم بيسبب مشاكل فى الكبد ...تليف وهو ما يبدا فى الزيادة تدريجيا مع تدهور الحالة و ما يعقب ذلك من اعراض مصاحبة ..كالنزيف و الاستسقاء ...ازاى احمى الكبد :
1-عشبة شوك الجمال ...بيسموها الكعيب ..او السيليبيوم ودى عشبة تنمو عى حافة الترع وموجودة فى مصر بكثرة وزرعتها انا بنفسى ...اى حقل تجد فيه قمح تجد على ضفاف الترعة المجاورة هذا النبات ذو الازهار البنفسجية و الاشواك القاسية ...الجزء الفعال فيه هو البذور ...و قد تستخدم الاوراق و السوق فى السلطات لنفس الغرض ...طبعا الشركات مش راحمة ...استخلصت المادة الفعالة ووضعتها فى كبسولات اللى هيه مادة السليمارين ..معظم عشابى العالم المحترمين لا ينصحون باستخدام مادة واحدة فعالة فى النبات لانها قد لاتكون هى المادة الفعالة و لا سباب اخرى ..الافضل ان تستخدم البذور كسفوف...رائعة جدا و طعمها مقبول ...استخدم معلقة كبيرة ثلاث مرات من المطحون ..ده بيحمى انسجة الكبد من التليف جراء هجوم الفيروس وده مثبت فى اكثر من 50 بحث معتمد حتى الآن ..
2-الجنطيانا:يسمونها فى الكتب القديمة ..العشب المحب للكبد...وهو عشب مر ..يستخدم جذوره فى الوقاية من و علاج امراض الكبد وحمايته من اثر الفيروس ..وهو ايضا فاتح للشهية بطريقة اتكلمنا عليها قبل كدة ....
3- عرق السوس:يسمونه جد الاعشاب ...وبيستخدم فى الصين فى كل مشاكل الكبد وفى تركيبات علاج اختلال وظائف الكبد ...و بيجيب نتايج جيدة جدا مع الجنتيانا فى هذا البرنامج..طبعا لازم نعرف انه بيستخدم بجرعات محددة ..لانه قد يرفع الضغط و يسبب احتباسا فى السوائل اذا استخدم بطريقة غير مقننة ...كمان وجدو انه بيحتوى على مضادات للفيروس وفى قاعدة دكتور دايوك انه احد مضادات الفيروس العشبية ...ولكن الاغلب يستخدمه فى حماية الكبد و تنشيطة ....
4-الاملج ..وده من اشهر الاعشاب فى الطب الهندى العشبى ...بيعتبروه عندنا كدة زى حبة البركة وزى الجنسنج فى الصين و امريكا ...عشبه يستخدم منها الثمار الغضة او المجففة ...من اقوى مضادات الاكسدة و اقوى الاعشاب على الاطلاق احتواءا على فيتامين سى و غيره ..وفى الهند يستخدم على نطاق واسع لعلاج امراض الكبد الفيروسية ..و لا يستخدم فى استراليا الا بروشته عشاب معتمد لانه قوى كعقار عشبى ..يكفى منه يوميا كبسولة الى اثنين ثلاث مرات يوميا ...من العشب الجاف
بكرة نكما الموضوع الشيق الهام ..اتمنى تكونو بتستفيدوا ...و شكرا لكم

برنامج الالتهاب الفيروسى -سى _1


موضوع اليوم موضوع حيوى جدا ...و شائع جدا ...و شائك جدا ..وتلعب فيه الاعشاب و البدائل الطبيعية دورا هاما جدا عن تجارب كثيرة ....الا وهو موضوع التهاب الكبدى الفيروسى من النوع سى ...وده طبعا من اشهر امراض العصر ..خاصة فى مصر ..فلا يكاد يخلو مصرى من الفيروس سى ...او على الاقل اجسام مضاده له تدل على تواجده ...او العدوى به سابقا ...و الحمد له فان البرنامج الخاص بمقاومة هذا الفيروس و الذى استخدمه عدد لا باس به ..قد اتى بنتائج تكاد تزيد على العلاج الكيماوى بمضادات الفيروس كالامانتادين او الاسيكلوفير اوالر يبافارين ...والتى لا تكاد تخلو من اعراض جانبية قوية ..ومؤثرة ..و لا تكاد تعالج او تقاوم شيئا حتى تتلف غيره ...
مش عاوز اطول فى الحديث و لكن بالطبع كما اكرر....استشر طبيبك حتى تعلم هل انت مصاب بالتهاب كبدى فيروسى من عدمه ..وده بيحتاج طبعا لبعض التحاليل ...كوظائف الكبد او تعداد الفيروس المسمى بالبى سى آر ...وطبعا اشعة تليفزيونية تبين مدى تلف الكبد من عدمه ...واكرر دائما ان الكشف الدورى على الكبد ووظائفه شىء هام جدا فى عصرنا ...للوقايه و تدارك المرض فى مراحله الاولى ...بالاضافة الى ان الطبيب يرسم لك برنامج غذائى لابد من اتباعه جيدا لحين الوصول لنتائج مشجعة ...
البرنامج يعتمد على استراتيجيات اربع :
الاستراتيجية الاولى:
**هاجم الفيروس :طبعا مشكلة الفيروس ده التطفر و التغير و التمحور ...فيروس غلس و بيتغير علشان يقاوم الظروف ومن هنا جاءت السلالات المختلفة للفيروس ...ولكن ثمة مكملات قويه جدا فى الهجوم على الفيروس و القضاء التدريجى عليه ...و بالفعل جابت نتايج ممتازة فى العدد الكلى للفيروس و التخلص منه ...اذكرها
1-ورق الزيتون وهو يعد من اقوى مضادات الفيروسات الطبيعية على الاطلاق ..وانا اتكلمت عنه فى موضوع سابق اللى هوة موضوع تلوث الجروح و صديد مجرى البول ..ودى طبعا عدوى بكتيرية ...وهو فعال ايضا وبقوة فى العدوى الفيروسية ..ولعدد كبير من الفيروسات ...المفيد كمان انه قوى جدا كمضاد للاكسدة مما يضاعف وظيفته فى حماية الكبد ...و لكنه فى التركيبة بيكون كمضاد فيروسى طبيعى ...طبعا ده بيستخدم كمغلى بمعدل كوب كل 8 الى 12 ساعة ..
2-حبة البركة :لا خلاف فى قوتها كمضاد للفيروسات ..و البكتيريا ...وانا جربتها كتير جدا فى فيروس الكبد و لم تخيب ظنى ..وفى حالة من الحالات كانت اجسام مضادة ..و الظاهر انها كانت ناشئة من عدوى موجودة ..و الحمد لله اختفت تماما بعد استخدام ست شهور مع بقية البرنامج ..برضو باستخدمها نقيع ساخن بس مش مغلى ..لانها تحتوى على زيوت طيارة مينفعشى تتغلى ..
3-العسل الابيض النقى :و العالم كله بيتجه للعسل الان كمضاد بكتيرى ..ومن اشهر احد علاجات التهاب الجهاز التنفسى فى اوروبا هو العسل ..و الكحة الناتجة عنه ايضا ..و تلوثات الجروح ...و البرد و الانفلونزا الفيروسية ....بل و الايدز..يحتوى العسل على محللات قوية للفيروس ..يستخدم العسل بمعدل 15 مل ثلاث مرات يوميا ضمن البرنامج.
4-الثوم :وما ادراك ما الثوم .....ده قصة لوحده ...وكم من حالات فطريات و بكتيريا و فيروسات عولجت بالثوم ...و لن انسى حالة تينيا عالجتها بزيت الثوم داخليا فى اسبوعين و كانت من اقوى حالات التينيا ...و حالة هربس وهى عدوى فيروسية معروفة عولجت ايضا بكبسولات زيت الثوم ..و حالة تقيح انفى صديدى مزمن فشلت معه كل المضادات ..نجحت معها كبسولات زيت الثوم ..كبسولتين ثلاث مرات يوميا كافيه لهذا الغرض ...
الاستراتيجية الثانية :
***قوى جهاز المناعة :
ودى طريقة غير مباشرة لمهاجمة الفيروس عبر جهازك المناعى الخاص و لاقمات الفيروس و الجهاز اللمفى ...وطبعا فى عدد كبير من الاعشاب لهذا الغرض ....استخدم انا منها عشبة الاشينيسيا ..وكان ليا الشرف انى ازرع هذا العشب مع استاذ دكتور فى المعهد القومى للبحوث فى مدينة السادس من اكتوبر و كانت النتايج مبشرة جدا ...وبيستخدم فى النبات الجذور او خلاصتها ...وكم شركة فى مصر تنتج الخلاصة المجففة للجذور فى صورة كبسولات او مشروب ..وهى تعد من اقوى مقويات المناعة ...وطبعا فى غيرها ..و حبة البركة بتعمل نفس الدور ايضا فى البرنامج بالاضافة الى وظيفتها الرئيسية فى مهاجمة الفيروس
.....صعب اكمل بقية الموضوع اليوم ..نظرا لطوله مع انه شيق جدا و مفيد...بكره اكمله لكم ..و اى سؤال عن هذه الحالة انا جاهز ..ولو فى حالات ممكن اقولكم بعد التشخيص ازاى نعاملها ..و الجرعات حسب الحالة ..و شكرا لكم
د.حكيم زمانه

الحبة السوداء..فرحت كثيرا ..وحزنت أكثر


فى بحث اجرته الباحثة الدكتورة الاستاذة العربية الاصل هويدا عرفات ..اخصائية الجراحة فى فى كلية طب جيفرسون بجامعة توماس جيفرسون فلادلفيا فى بلد العرب المغتربين أمريكا....قامت الباحثة باجراء بحث يستخدم فيه خلاصة الحبة السوداء لعلاج والسيطرة على مرض سرطان البنكرياس و الذى يعد من اقوى و اصعب انواع السرطانات فى العالم ...و الذى يصعب تشخيصه و علاجه ...مش هرغى فى تشخيصه و ما يتعلق به فده دور الاطباء ..اللى يهمنى انه وكما اردد و يردد كل عاقل لا يمكن السيطرة عليه بالكيماوى او الاشعاعى وعلى حد قول الباحثة ..فان المريض يموت من العلاج الكيماوى قبل موته من المرض نفسه ..وده اللى دعاها لاجراء البحث ..نتيجة البحث جاءت مذهلة ..حيث قامت الخلاصة والتى تركز البحث فيها على مكون من مكوناتها وهو الثيموكينون ((اكرر ان الخلاصة العشبية كاملة اقوى بكثير من مادة واحدة فعالة ))بلا شك بين متخصصى الاعشاب كلهم ...و جاءت النتايج تؤكد انها تقوم بشغلها بطريقتين ..الاولى :قتل الخلايا السرطانية المتكونة ..بميكانيكية معينة و الثانيه ..بالطبع منع تكوين خلايا جديدة .. النتايج كانت ايجابية جدا فوق ما توقعه فريق البحث على حد قول الباحثة الدكتورة ((حلوة على حد قول دى ))....فرحت جدا
لان الحبة السوداء بدأت تاخذ طريقها الصحيح فى البحث و تاخد موقعها الصحيح فى الطرق العلاجية ...واللى اتاخر من زمن ..وليست ابدا صدفة ان تذكر اشارات الحبة السوداء فى كلام النبى كاشارة طبية ..علاجية ...الذى احزننى ...ان القائمين بالبحث اجانب ..فى جامعة غير مسلمةبل ربما حتى لا تعترف بالدين ..واحزننى اكثر ان العقول اللى فاهمة و مركزة ..وبتاعة علم ..ملهاش مكان فى اراضينا العربية المباركة ..الدكتورة رئيسة طاقم البحث عربية ..بس اكيد لو كانت قعدت فى ارضنا المباركة ..كان زمانها تحت سقف واطى ..كله ملفات قديمة ...والتراب علخدود يهفهف ..ويرجع يطير ..او لربما كانت ..ان اصابها الدور ....فى مستشفى تعليمى ...مش لاقيه مصل العقرب نظرا لان ورق التوريد ...لم يصل بعد .شكرا ليكم

البشرة و الشمس _الحلقة الأخيرة-6


شبعنا رغى فى موضوع البشرة ونخلصه انهاردة احسن الناس هتبشرنى من كتر كلامى فى البشرة ..مع ان ده جزء بسيط فى الحديث عنها ..و سنوالى حلقات خاصة بهذا الموضوع من جوانب اخرى على ما اقترحه كثير من الاعضاء ..لو مد ربنا فى العمر يعنى..
*آخر حاجة هقولها انهاردة هى النعناع الفلفلى ..بيسموه نعناع الحلاوة او النعناع الحراق ...و اكيد انتو عارفينه ..النعناع ده بيتميز بقدرة تلطيفيه عاليه جدا و مضادة للالنهاب ..بيدى شعور بالرودة لما يحتويه من منثول و غيره من مواد فعاله تصل الى اربعين مادة..فى الخارج فى شركات متخصصة فقط فى منجات النعناع الفلفلى من ماسكات و تونرات و غيره ..وجدوا انه بعد التعرض للشمس فان استخدام خلاصة النعناع الفلفلى المخففة او تونر منه يساعد جدا على تبريد البشرة و علاج احمرارها ..و تهيجها ..بعض الناس تستخدم الزيت الاساسى بتاعه وده لا انصح بيه بل انصح باستخدام الخلاصة كاملة او حتى النقيع المائى ..يعنى شوية نعناع فلفلى حلوين كدة نصب عليهم شوية مية مغليه ..بس طبعا اوعى تغليه ..سيبيه مثلا عشر دقايق فى التلاجة ..و استخدميه بقطنه طبيه على البشرة الملتهبه ..طبعا مع ماذكرنا من اعشاب مش هتحتاجى اى تدخل علاجى..وابعدى ارجوكى عن الكورتيزونات ..مش كل حمار فى وشك ندوس فى الكورتيزونات اللى قرب ياكلها الناس ..وبعدين نستغرب منين الفشل الكلوى ده ..؟؟منين السكر ده ؟؟منين الضغط ده ؟؟ابتعدى جدا عن الكورتيزونات الا فى حالات مقننه وتحت اشراف دكتور ((فاهم))واخدين بالكو؟؟
هديلكو انهاردة حاجتين مهمين :
1-وصفة سهله و متاحة لمن لا يجد حاجة جاهزة من اللى قلته من خلاصات و حصله حرق شمس او التهاب جلدى حرارى ..
2 كوب ماء مقطر
2 معلقة كبيرة مطحون النعناع الفلفلى
معلقة كبيرة مطحون الكاموميل الطازج
معلقة صغيرة مطحون الشاى الاخضر
اخلط الاعشاب المطحونة ...اغلى المية ..صبيها على الاعشاب ...سيبيها ساعه ..و ممكن تحطيها فى علبه بخاخ و تشيليها فى التلاجة بس لاحظى انها هتفسد خلال اسبوع ..
2-معلومة هامة جدا عن الشمس و منتجات الوقايه من الشمس مش هتلاقوها فى اى حته بس لقيت انها هامة قوى لكل البنات ..
اولا :اد ايه ممكن بشرتك تتعرض للشمس
*البشرة الفاتحة ..الجماعه البيض يعنى و الشقر بتوع اوروبا دول اللى بنسمع عنهم هههههههههه = 10 دقايق
*البشرة القمحى عموم الشعب الغلابه = 15 دقيقة
*البشرة السمرا = 20 دقيقة
ثانيا:وده مهم جدا و اكتبوها عندكو: معادلة جميلة جدا و هامة جدا لازم تحفظوها كلكم
فترة الحمايه اللى بيديها واقى الشمس = الاس بى اف بتاع المنتج (وده بيبقى مكتوب على العلبة ) * يعنى حاصل ضرب الفترة اللى يمكن البشرة ان تتعرض لها للشمس .......ودى قلناها حسب البشرة
مثلا ...لو حضرتك بيضا ...و بتستخدمى واقى شمس قوته 30 اس بى اف ..يبقى هيدى لك فترة حماية =30 *10 =300 دقيقة يعنى خمس ساعات
ومن نفس المعادلة تقدرى تحسبى بشرتك محتاجة اس بى اف كم ...صح؟؟؟ طبعا على حسب فترة تعرضك للشمس ونوع بشرتك ..معادلة سهله و جميله ومش هتلاقوها الا عند ..حكيم زمانه وببلاش ههههه
شكرا جدا ليكم
و دعواتكم
د.حكيم زمانه

الشمس و البشرة 5


نكمل الحلقة الاخيرة من مسلسل الاعشاب و الشمس و زيمو ..لانها بصراحة طولت قوى و بتفكرنى بمسلسلات القنوات المصرية اللى تيجى اربعميت حلقة وهيه ممكن تصفصف على حلقتين و ربع ..وازعم ان السلسلة دى مرجع مبسط لكل باحث مع صغرها الا انى راعيت فيها ما قوى اثره و سهل الحصول عليه ..واثبتت التجربة و البحث فائدته...
* العسل :امتدادا للاكتشافات المتواليه و المتتابعه عن فوايد العسل اللى نفخر باننا امة الاستشفاء بالعسل من وحى ربنا وسنة نبينا الكريم ...وانا لست متحيزا لراى ولست ادافع عن العسل من وجهة نظر انى مسلم ..انا اللى شدنى للعسل الابحاث بتاعته مع يقينى بفائدته القطعيه ..بس زى مبيقولو ليس الخبر كالمعاينة ..الغريب يا جماعه و الملفت جدا للنظر ان الغرب المتقدم الباحث عن كل طبيعى وفعال بيستخدمو حاليا معظم ما جاء فى تراثنا و ثقافتنا العربية و الاسلامية ..فالعسل اصبح براند عندهم و وورق الزيتون اصبح مجال بحث مثير وده احنا العرب مسلمين و مسيحيين اولى به ..حبة البركة بقت حاجة معترف بيها و ابحاث طحن شغاله عليها ..و احنا مازلنا نبحث عن الكيماويات الفتاكة من اى مصدر..وغير ده كتير لمن بحث و نقب..المهم ...العسل من احد اقوى ما استخدم فى علاج الجروح و الحروق حتى العميق منها ...ماسك العسل من اقوى الماسكات حتى لو لوحده فى كل مشاكل البشرة ..كل السبا الغربى بيستخدمو العسل ...اما تحسى ان حضرتك بشرتك اثرت فيها الشمس اجرى على بطرمان العسل..انصح بعسل امتنان ..لانى اعرف عنهم تدقيق كويس ..او من اى مصدر امين موثوق فيه ..مش كل العسل عسل يا جماعة ..وده سبب فشل العسل فى بعض الحالات علاجيا لانه مغشوش ..النحلة مش بتاخد رحيق ..بتاخد سكروز فى مية ..حتى النحل بقى كسول فيكى يا بلد..افردى العسل على بشرتك تجنبى العين طبعا ..ممكن شفايفك تدخل فى الموضوع ولو بلعتيه ايه المشكلة ده عسل ...سيبيه دقايق لحد متحسى انه شد بشرتك ساعتها هيبقى مص الحرارة و بمضادات الالتهاب اللى فيه رمم الجلد الملتهب ..اشطفيه بماء فاتر كدة ..هتحسى بفرق طبعا ..الجلد التهابه قل جدا ..و يا سلام لو كان بعده شطفة خفيفة بلوسيون اللافندر اللى قلنا عليه او لوسيون خلاصة الصبار يا عينى عليكى ..او تخلطى العسل بالخلاصة و تستخدميها ..حاجة لا تضاهى من الجمال الطبيعى ..مضاد التهاب و معقم و مطهر و منضر ..بجد بجد عالم الطبيعه دة نعمة من عند ربنا ...
مضطر اعمل زى المسلسلات العريبة وابقى ممل لانى رغيت جامد
نكمل بكرة
د.حكيم زمانه

الشمس و البشرة 4


قلنا قبل كدة ..خلاصة اللافندر و خلاصة الشاى و خلاصة ورق الزيتون و خلاصة الكالنديولا ..و زيت جنين القمح و خلاصة الصبار ..و خلاصة السنفيتون او الالانتوين كمادة مستخلصة منه ..تقريبا ده كل كل اللى اتكلمنا عنه ...وفى بعضه كفايه بس انا احب اقول كل اللى جربته و جاب نتيجة ..وطبعا فى حاجات تانيه فى الكتب و الدراسات بس انا مبقولشى الا اللى جربته شخصيا ..
*نضيف انهاردة ..خلاصة الكاموميل ...ودى اكيد البعض استغرب انى مقولتهاش فى الاول ..بس لانى دايما بقول بترتيب الفاعليه من وجهة نظرى ...الكاموميل زهرة جميله بتنزرع فى مصر بكثرة وتعد مصر من اكبر دول العالم تصديرا لها ..لو نزلتو الفيوم هتلاقو مزارع كبيرة جدا مفروشة بهذه الزهرة الجميلة المنظر و الرائحة و الاثر ...الكتب بتقول ان الزهرة دى فيها اكتر من مية و عشرين مادة فعالة ..على صغرها ..طبعا اشهرها مادة الكامازولين اللى بتدى زيتها الاساسى اللون الاخضر المزرق الجميل ..بدأت تجربتى مع هذه الزهرة فى موقفين لن انساهما ..الاول كان احد الشباب يعانى من حبوب شباب و اثار مؤلمة فعلا ..وشه كان مشوه فعلا ..وقالى يا حج حكيم شوفلى صرفه ..وطبعا لان زى مبقول دايما ..التركيبات دى علم وفن و موهبه و الهام ..لقيتنى بعمل كريم بخلاصة الكاموميل ...المركزة ..و كانت النتيجة المفرحة...الشاب اتحسنت بشرته بنسبة سبعين الى تمانين فى المية ..وده شىء جميل كنتيجة طبية ..و طلب منى بلاص كريم من اياه ...تقريبا العيله كلها حبت تستخدمه ...الموقف التانى ..كان طفل يعانى من حبوب مستمرة فى جسمه ..طبعا اتكتب له لسته كريمات كلها كورتيزونات ..ونا بصراحة بكره الكورتيزون ..و لا انصح باللجوء اليه الا فى الحالات اللى نفقد فيها الامل ودى قليله و نادرة ..المهم والده قالى شوفلى صرفه يا عم الحكيم ...وكانت التركيبة جاهزة المرة دى واديتله الكريم ...و تحسنت الحالة جدا ...ثم تتابعت الحالات فى المانيا بيستخدموا كريمات الكاموميل فى جميع حالات التهاب الجلد بدءا بالاكزيما و التهاب الجلد الارتكيرى ..والتهاب الحفاضات عند الاطفال الى التهاب البشرة من اشعة الشمس اللى هوة موضوعنا ..المشكلة يا جماعة ان نسبة الخلاصة فى الكريمات اللى فى السوق غير كافى اطلاقا لاعطاء اثر طبى و دى مشكلة كريمات التجميل ..ان لها مقاييس فى اللون و الشكل و الريحة تمنع اى شركة من انها تحط تركيز مناسب ...وده شىء انا شخصيا باعانى منه فى اى شركة بشتغل فيها ...انهم عاوزين كريم فعال وقوى بس متبانشى فيه ريحة و لا لون الخلاصة..وده مش ممكن ...ولذا يضطروا انهم يقللوها جدا علشان متطلبات تسويقية ودة طبعا بيلغى متطلبات طلبية فى التركيبة ..لازم كريم بخلاصة مركزة ..او استخدمى او استخدم حضرتك الخلاصة المائية ...حضريها زى الشاى الكشرى ...برديها فى التلاجة شويه ..لحد متبقى منعشة...و استخدميها بقطنه ...افرديها على بشرتك و غيريها كل متحسى بانها امتصت .حاجة ديليكاز خالص .ممكن تستخدميها لحد تحسى ان البشرة صفيت و تخلصت من التهاباها ..ومش هقدر اكمل لانى رغيت قوى انهاردة ..ربنا يصبركم عليا بصراحة
شكرا ليكم
د.حكيم زمانه

الشمس و البشرة 3


قلنا ...خلاصة اللافندر اللى عندى فى المكتب هههههههه و الصبار ...و الشاى الاخضر .....وورق الزيتون ...و الكالنديولا ..اتمنى يكون حد عمل زى مقلت بحث ..لانى عاوز اسأل كم سؤال فى نهايه الموضوع ده واشوف مين اللى متابع ..و اللى هيفوز ليه جايزة من حكيمز مانه ...ممكن تكون زجاجة خلاصة جميله ومعبرة ههههه...نكمل بقى و نبطل تهريج علشان ميقلبشى بضحك ..
*خلاصة نبات السنفيتون ..وده من اجل و اجمل و اقوى حاجة ..لالتهابات الجلد و البشرة ..ولو حد بص على علبه كريم محترمة او لوشن من شركة فاهمة هتلاقى مادة اسمها ((الانتوين))وده باه هوة احد اهم مكونات جذور هذه النبتة ..ممكن نستخدم نفس المادة دى برضو .بس انا دايما بنصح و اقول و ازيد فى موضوع استخدام النبته الكاملة بكل موادها الفعالة..لان ده هوة الاتجاه الصح ..فى العالم اللى فاهمة اعشاب ..ممكن تشترى جذور العشبة ودى متوفرة عند العطارين الكبار او عندنا برضو ..محنا كبار برضو..هههه..استخدميها بنفس الطريقة اللى فاتت فى الرساله السابقة .
*زيت جنين القمح ...لو اتكلمت عنه مش هقدر اخلص قبل اسبوع .فى الامراض الجلدية زى الصدفية تلاقيه داخليا و خارجيا ...فى التجاعيد هوة احسن الموجود ...وهنخلى سلسلة عن الموضوع ده قريبا ..انتظرونا ..فى التهابات الجلد و احمراره و تهيجة تلاقيه زى الاسد ..فى التئام الجروح تلاقيه ..انصح باستخدامه مع اى خلاصة من اللى قلناها لانى بصراحة مبحبش بشرة تبقى ملتهبه و احط لها اى زيت لوحده مهما كان ..لازم نحس ببشرتنا ..نحكى لها و تحكى لنا ..الزيوت لها طبع حار مينفعشى فى التهاب استخدمها لوحدها لازم اكسر حدتها بشوية خلاصة لافندر مثلا ...خلاصة صبار ...نحط مثلا 10 مل زيت لكل 100 مل خلاصة ..نرج كويس قوى مش مهم يدوب المهم انه يختلط و يتوزع بس ..لانه عمره مهيدوب فى خلاصة مائية ..مفيهاش كحول ده طبيعى ..الهدف انى اكسر حدة الطبيعه الزيتية اللى فيه ...طبعا زيت جنين القمح من اغنى المصادر الطبيعية فى فيتامين هاء .اى يعنى ..وده سبب قوته كمضاد كمان للاكسدة...نلاحظ جدا انه زيت سريع التكسر يعنى حساس جدا للظروف الجوية نحفظه فى التلاجة ..مش فى حر الدنيا دى ...

معلش نكمل غدا
باذن الله
د.حكيم زمانه

الشمس و البشرة 2


نكمل الحوار اللى بدأناه لان ناس كتيرة كانت معجبة بالموضوع و طلبت انى مكسلشى و اكمل الموضوع بسرعة ...قبل مكمل عاوز اشير لحاجتين ...طبعا ناس كتيرة سالونى الخلاصات دى منين و الكريم ده منين ..فلما قلت لبعضهم ان الخلاصات دى هتلاقوها عندنا فى المكتب زعلو لانى ال بعمل دعاية للمكتب و لمنتجى ..اولا مش عيب انى اعمل دعايه لحاجة انا شربت فيها لمر دراسة و شغل و تزبيط ..الحاجة التانيه انى لو احلتكم على اى عطار يبقى بغشكم من الاخر ..لانى عارف ان مفيش عطار فيكى يا مصر يعرف يعنى ايه خلاصة عشب ..اخر العطار يعرف كلمة زيت عشبى و طبعا برضو ميعرفشى اكتر من اسمه ..و لعلمكم انا صالا مفتحتش المكتب لسه و اللى بيطلب منى حاجة ببعتهاله بصفة شخصية ..لانى عارف ان خلاصاتنا و تركيباتنا معمولة صح ونتو عارفين كل حاجة فيها انا مبخبيش حاجة عن حد والا مكنتش اصلا عملت الجروب دى ...ده شىء حبيت اقوله
--------------------------
-------------------------------------
نرجع لمرجوعنا ..قلنا امبارح خلاصة اللافندر و الصبار ودول ضمن اقوى حاجة لموضوع حروق الشمس ..مش هنسى كان صديق ليا كان رايح المصيف فطلب منى تركيبة للموضوع ده ..و حصل ان بنته فعلا اتحرقت جامد من الشمس اول يوم فاتصل بيا قلت له استخدم الكريم ..طبعا هوة كان عاوز حاجة قوية و فعاله ولو كنت قلت له على كورتيزون كان استخدمه ..بس انا كنت واثق الحمد لله فى التركيبة ..و طبعا بعد عدة ساعات و فى المساء اتصل بيقول انه فعلا مبسوط جدا وانه مكانشى مصدق ان التركيبة هتكون بالقوة دى...و الحمد لله ...يا جماعه احنا لما بنقول حاجة مش بنقولها فقط لان العلم بيأيدها او انها عليها ابحاث كتيرة ..بل لانها كمان مجربة فى عدد من الحالات ..وده اساس كلامى غالبا ..نقول كمان
*خلاصة الشاى الاخضر ..ودى من الحاجات الفعاله جدا فى الموضوع ده ..فى امريكا و اوروبا معظم العشابين بيقولو ان الشاى الاخضر مش لوحده فعال ..بل كل الاعشاب المحتوية على التانينات ..الاعشاب القابضة يعنى اللى اتكلمنا عليها فى الكورس ...ونا بضيف انه على هذا الكلام فان خلاصة ورق الزيتون فعاله جدا ...بل و افعل من خلاصة الشاى الاخضر ...ونا بنافس دايما و اتحدى الغرب بورق الزيتون فى مقابله الشاى الاخضر ..لان خصائص ورق الزيتون كمضاد للاكسدة و مضاد للجراثيم و قابض و مضاد للكوليسترول و غيره من الخصائص المشتركة ..ورق الزيتون اقوى بكتير عن الشاى الاخضر ..ولكن زى مقالو ..اهله لم يقومو به ..يعنى احنا اصحاب ثقافة الزيتون معرفناش نستخدمه صح .ببساطة ....استخدمى خلاصة ورق الزيتون او الشاى الاخضر لو عاوزة بعد اى حرق ...قطنة مفرودة تتبل خلاصة لحد متتشبع و تتفرد على مكان الحرق و تتساب دقايق و تتشال ..و تتغير ..لحد متحسى بهدوء الانسجة و تلطيفها ...دى طريقه الاستخدام فى الاتنين اللى فاتو كمان . لو ملقيتيش الخلاصة .استخدمى اكياس الشاى الاخضر ..اغلى ميه و حطى فيها الكيس لمدة 10 دقايق ..برديها و حطيها فى التلاجة ...و استمتعى بالاكياس على البشرة او الخلاصة المائية ...طبعا مش هتكون فى قوة الخلاصة بس اهو حاجة تمشى و تسعف و جميله ...اشربى الخلاصة ..و استخدمى الاكياس دة برضو اختيار ..و مفيد برضو فى نفس الحالة
*خلاصة الكالنديولا : الزهرة الذهبية الرائعه جميلة اللون والتاثير ..من اقوى مضادات الالتهاب الموضعيه ..وكريم الكالنديولا فى الخارج من اشهر الكريمات لجميع انواع الالتهابات الجلدية و التسلخات و الحروق الجلدية ...اكتبو بس انتو فى اى محرك بحث كالنديولا كريم ..ونتو تعرفو اد ايه الزهرة ناعمة و قوية وكلها حنيه ....تعرفو الزهرة دى بتتزرع فين ومين اكبر البلاد المصدرة ..؟؟الزهرة دى بتتزرع فى الفيوم فى مصر و مصر بتصدر كميات كبيرة جدا منها ..بس احنا طبعا ...مش هنا ..بكرة هنيجى باذن الله و نبقى فى الصورة.
نكمل بكرة منعا للزعل
شكرا ليكم
د.حكيم زمانه

الشمس و البشرة 1


جا لى رساله من اخت فاضله ..بتسالنى عن الشمس و مشكلة الشمس و البشرة...ونا بالطبع كنت كتبت رساله قبل كدة عن الموضوع ده فى اطار كوميدى ..هركز انهاردة على بعض الحلول اللى لازم تلم بها المراة العصريه المصريه للوقايه من مشاكل الشمس ...مش هتكلم عن ما قبل التعرض للشمس ..لان كدة الموضوع هيطول جدا ..هخليه كلام فى المختصر عن ما بعد التعرض للشمس ...ودى كما قلت مشكلة من مشاكل المرأة المصريه العصرية ...
ليه المرأة ؟؟؟لان الراجل متفرقشى معاه يتحمش او يتحرق حتى ..لانه كدة كدة هيبلاقى عروسة فى زمن تراكم العروسات ..المشكلة تكمن فى المراة الباحثه عن بشرة تناسب عريس الغفلة المرتقب و اللى جاى يتننط عليها نظرا لندرة الرجال .
ليه المصرية ؟؟؟لان المصريه نسبة الى مصر ام الدنيا وام الدنيا حارقه عيالها فى الشارع طول النهار ..طبعا من باب اخشوشنو فان الظل لا يدوم ...
و ليه العصريه ..لانها بتقعد تلف فى الشارع لحد العصر ..واول مييجى العصر تروح تلف فى شوارع تانيه ...ونظرا لان المراه العصريه تعريفها فى القاموس المعاصر :هى المرأة التى اتهرت كعوب رجليها بحثا عن عمل يكفيها لشراء مكياج و فستان و علبه ريحة نص نص ...ولا عزاء للسيدات
خلاص خرجنا و اللى كان كان يا عم حكيم الزمان ...فما الحل ؟؟ الحل ساوجزه فيما يلى ..ونا مش بتكلم عن تفتيح البشرة انا بتكلم عن ترميم البشرة المحترقة التى لو شافها البيه فى البيت او عريس الغفله سيهيم على وجهه فى الصحراء وربما يبحث عن خيمة و شوية حطب افضل له من المحروقة اياها ههههههه.
مش هوش كتير ..شوفو باه دى خيارات لكل امراة مصرية عصرية ...بعد مخرجتى و اللى حصل حصل ..يمكنك بها ترميم البشرة ..و تلطيفها ..و الخروج من مسلسل هروب الازواج من الوش الهباب :
1- خلاصة اللافندر :اروع و اجمل و ارق و الطف حاجة تحطيها على بشرتك لما تتعرضى لمشاكل جلدية ...حرق لا قدر الله خفيف طبعا ..شمس الظهيرة ..قلم على الماشى من محب و لهان ..اخو سمير شعبان ..اما تكون خلاصة لوحدها يعنى مجرد خلاصة خام او فى قاعدة كريم لطيف
2- خلاصة الصبار ...حاجة كدة ملهاش حل ...بس للاسف الناس مش عارفة يعنى ايه خلاصة صبار و مش لاقيينها ..لو راحو لعطار يقولهم يعنى ايه خلاصة صبار ..مين (الحومار) اللى قال كدة ..طبعا اللى هوة انا ...خلاصة الصبار من اجمل نعم الله على البشرة ..للحروق و التلسخات و الجروح الخفيفة ...ملطف منعش مرمم ...حاجة تحفة كدة ...الجميل انى حطيتهم فى كريم واحد ..طلع بشهادة المحاريق ههههه قصدى المحروقات ..قصدى البنات اللى وشهم تعبان شويه ..انها جميله جدا ..فعاله و مؤثرة

هل ترغبين فى منظف طبيعى و جميل




هل عدت من عملك .....هل ترغبين فى منظف طبيعى و جميل ...مجدد للبشرة و معقم و منظف ومضاد للانتفاخ و الترهل ..استعملى هذا التونر ...الطبيعى
***نصف ملعقة كبيرة بذور زعتر مطحونه
*** 2 ملعقة صغيرة بذور شمر مطحونه
***ملعقة صغيرة شاى اخضر مطحون
***عصير نصف ليمونة
###اخلطى الاعشاب سويا جيدا فى كوب زجاجى
###اضيفى اليه 100 مل ماء يغلى
###اتركيه نصف ساعة حتى يستخلص الاعشاب
###اضيفى عصير نصف الليمونه ...
###صفى الناتج
###احفظيه فى الثلاجة
###استخدميه بعد اجهاد بشرتك وانتهاء العمل وتمتعى بتونر طبيعى 100%

الشاى الأخضر __نصائح للأستخدام الصحيح


بعد السلام عليكم ..فنظرا لانتشار (موضه) الشاى الأخضر و التى اعتبرها موضه جيدة ولكن بالطبع نحن العرب شديدو التعلق بالموضوات الواردة الينا ...نظرا لذلك احببت ان اضع بين يديك نصائح عامة لاستخدامه..و بالطبع على عجالة ..
= شاى ليبتون الاخضر مصنف على انه (جيد) و ليس جيد جدا و لا ممتاز طبقا لاخر تقارير ذواقه الشاى فى العالم ( وهم متخصصون فى تذوق الشاى و فرزه حسب جودته)
= يفضل ان تشترى شايا اخضرا مجففا يحتوى على الورق الكامل المجفف لكى لا تقعى فى دوامة الغش (المتزايد جدا فى عالمنا العربى)
=كما اقول دائما القى ورقه فى كميه ماء قليله و قارنيها بصور العشب العشب يمتص الماء فيعود كالغض و يكتسب شكله الاصلى فينكشف هل هو العشب ام لا
=افضل الشاى الأخضر ما كان ورقة كاملة مع البرعم هذا اجود انواعه
=الشاى الاخضر له رائحة عشبية عطرية مميزة ((تميل للشاى الاسود قليلا)) ..كلما زادت رائحة التدخين فى الشاى الاخضر ساءت جودته
=يجب ان تكون الورقه جافة و ليس ممتصة لاى رطوبه لانه يفقد فعاليته بالاكسدة اذا امتص رطوبه
=لا تغلى الشاى الاخضر عند تحضيره بل اغلى الماء ثم برديه قليلا (نصف دقيقة) ثم اسكبى الماء على الشاى و اتركيه ربع ساعه ..البعض ينصح بثلاثة دقائق و لكنى كمتخصص لا اميل لذلك فكمية المواد الفعاله فى الشاى الاخضر عاليه و تحتاج الى هذه الفترة للاستخلاص
=انصحك بالعشبة كامله افضل بكثير من بعض خلاصاتها التى تحتوى على مواد فعاله ..وهذا راى اعظم عشابى العالم
=احتفظى بالشاى فى اناء من الخزف او الزجاج المعتم او الاستينلس الجيد مع تغطيته
=يفضل الا تستخدميه بعد فتحه بشهر ((الا اذا كانت طرق التخزين جيدة ))
=تعرفى على جودة العشبه بنفسك ((شكل الورقه موضح و مشرشر الاطراف قليلا...طعمة يعطى مرارة خفيفة مميزة و مطلوبه بمجرد مضغه ...فيه قبض واضح للسان وهذا مما يدل على جودته من عدمها
=من احسن الطرق لزيادة فعاليته هو اضافة قطرات من الليمون او البرتقال طبعا الليمون اقوى بعض الابحاث الى زيادة فعاليه المواد الفعالة فيه بهذه الطريقه الى خمسة اضعاف وهذا شىء رائع
=يفضل عدم خلطه باللبن او مشتقاته بعض الابحاث تشير الى نقص فى قوة المواد الفعاله فيه عند خلطه بها
= اشربيه صباحا على الريق ...و بقيه اليوم بعد الاكل ..على ما تشير كثير من التجارب و الابحاث
= اذا كنت تشربيه لموضوع المساعدة فى فقد الوزن (طبعا مع حميه و رياضة) استعمليه كوب منه مع ليمونه معصورة مع ملعقة عسل كبيرة يوميا قبل الافطار بنصف ساعه ..لمدة ثلاثه اشهر ..وهى من اقوى الوصفات المساعدة مع الحميه فى التخسيس .
=صورة المجفف http://www.holymtn.com/catalog/images/g-cog-1.jpg
=صورة واضحة للرطب منها http://www.spiritcommunity.com/tea/images/tea_leaf.jpg
وبدوام الصحة و العافية ..و نسالكم الدعاء

الاثنين، ديسمبر 14، 2009

أعشاب حرق الدهون _تاصيل علمى

كلمة تتداولها الألسنة ...المتخصصين و غير المتخصصين ...هذا يقول هذا العشب يساعد على حرق الدهون و ذاك يقول هذا الغذاء يساعد على حرق الدهون وثالث يضيف هذا المكمل يزيد من معدل حرق الدهون فما هو حرق الدهون ..وما هى الدهون التى تحرق ...وهل هناك حقيقة مايسمى بحرق الدهون ام هى كلمة يلوكها كل من تكلم فى حقل التخسيس او انقاص الوزن او بما يسمى بالريجيم ..وكيف يتم ذللك ..وما هو معدل حرق الدهون الذى تزيده هذه الأشياء ...تحقيق علمى تناولته من فترة ..ارجو ان يكشف بعض غموض المصطلح المطاط ..أضعه كمتخصص بين أيديكم فى منتداكم ...الموقر ..,آسف ان اطلت عليكم فيه ولكنى _كعادتى_لا أومن الا بالبحث و لا اثق الا بكل ما جرب او أصل علميا و تجريبيا ..ولذا فانا لا أومن بكلام زيد او عبيد ...الا بدليل من علم او تجربه مستندة الى علم أو تفسير او بحث ...وسأجعل البحث فى نقاط حتى لا يطول وحتى يسهل على كل قارىء ..متخصصا كان او غير متخصص ..واسأل الله أن ينفع به ..من أراد العلم و التعلم و الاستفادة..
1-كيف تتكون الدهون اصلا ...ان المواد الدهنية وغير الدهنية التى تتناولينها ..تستخدم فى انتاج الطاقة اللازمة لحياتك فانت يلزمك طاقه لعملياتك الحيوية من تنفس و ضربات قلب و حركات اعضاء داخليه وحتى تثبيت درجة حرارة جسمك عند حرارته المعروفه ...كل ذلك يحتاج لتوليد طاقه ..حتى و سيادتك نائمة جسمك يولد طاقه لهذه الوظائف و لتثبيت حرارتك و ان كان معدل التوليد فى اقل مستوياته ..فاذا استيقظت و تحركت احتاج جسمك لمزيد من الطاقه ...فان جريت احتجت لاكثر و اكثر ...كل هذا يتم عن طريق تحويل المختزن فى جسمك الى طاقه وكالوريز اسميها كلورة ..اللى بيحصل ان حضرتك بتاكلى اكثر مما يحتاجه جسمك من هذه الطاقات مجتمعه ...فيحولها الجسم الى دهون مختزنه لحين الحاجة اليها ...ولكن الجسم يضاف اليه المزيد و المزيد من الدهون المختزنه و لا يتم حرقها ...فتبدأ مشكله السمنه مع الاخت الفاضلة
2-
ماهو حرق الدهون ؟؟: حرق الدهون علميا هو تحويل الدهون المختزنة فى الجسم الى سعرات حراريه من خلال عمليه بيوكيميائية يتم فيه تحويل الدهون الى جلوكوز الذى يدخل بدوره الى دورة تسمى بدورة كربس يتم فيها تحويل جزيئات الجلوكوز الى وحدات مولدة للحرارة .. اذا بالفعل يوجد ما يسمى بحرق الدهون ..ولكن كيف يتم ذلك .
3-ميكانيكية حرق الدهون فى الجسم :المواد التى تعمل على حرق الدهون تنقسم الى قسمين ..قسم يساعد على تحريك الدهون من اماكن تخزينها ,ومعظمها يكون تحت الجلد فيما يسمى بالدهون السطحية او النسيج الدهنى البنى ..وبعضها يكون بين الاعضاء و الاحشاء فيما يسمى بالدهون الحشويه ...هذه المواد ببساطة تحول الدهون المترسبة لدهون قابله للذوبان عن طريق عمل مستحلب لها ..ودى عمليه طويله و معقدة ولن ادخل فى تفاصيلها ..المقصود فقط ان اعطيكى نبذه عن هذا الامر حتى تتعاملى بطريقه صحيحة اثناء ريجيمك وتفهمى ما يحدث ..ثم بعد ان تتحول الدهون المختزنه لدهون فى الدم تبدأ الميكانيكية الثانية وهى ادخال الدهون فى عمليه كلورتها ..او تحويلها لكالوريز
4-المواد التى تنفذ الميكانيكية الاول تسمى (ليبوتروبيكز) اى المواد المحركة للدهون حيث تسوق الدهون القابله للذوبان الى مجرى الده استعدادا لحرقها ..و المواد التى تقوم بالميكانيكية الثانية تسمى ثيرموجينيكز او مولدات الحرارة ...وهى التى تعجل وتزيد من ادخال هذه الدهون المذابة الى فرن الحرق ...
5_الدهون المذابه الى الدم الم تتوافر لها مولدات الحرق من حركة او مواد مزيدة للحرق اللى هيه الثرموجينيكز ..تعود لتترسب فى الخلايا ثانيه ...
6_ اذا قد يوجد بالفعل ما يسمى ...بحرق الدهون وزيادة معدل حرق الدهون ..؟؟أقول نعم ..اذا ما هى هذه الاعشاب ...بالطبع يوجد اشياء غير عشبيه تدخل فى هذه التصنيف ...ولكنها وان كنت و الحمد لله اعلمها و بعضها امنه و مفيدة ..الا اننى لن اقحم نفسى فيها الان ...وساتكلم باختصار عن هذه الاعشاب ..
7_من خلال بحثى و تجربتى السنوات الماضية نع برامج الريجيم ..ومنتجى ريجيمات الاعشاب ..ومن خلال المواد الفعالة فى النباتات المدرجة فى هذه الطائفه ...فانى اقسمها الى اربعة اقسام ..
القسم الأول : أعشاب تزيد من الحرق من خلال تنشيط الجهاز العصبى المركزى : وهذه الأعشاب فى غاية الأهمية وغاية الخطورة ...واشهرها على الاطلاق الافيدرا ..وهو نبات يحتوى على الافدرين وهو من منشطات الجهاز العصبى المركزى بقوة ...مشكله هذه المواد وان كانت فعلا تزيد من انتاج الطاقه ..بل وتكبح من الشاهيه ..الا انها تؤثر بطريقه قويه على الجهاز العصبى فتزيد من ضربات القلب ...وتؤدى الى عدم استقرار فى الحالة العصبية و النوم و الانفعالات ..بعض منتجى الاعشاب تؤيد استخدامه ...ولكنى شخصيا لا اويد ذلك الا تحت اشراف طبيب دارس للطب التكميلى ( و لا اسميه البديل) او ممارس للاعشاب فاهم للحالات الطبيه ..طبعا كثير من مشتقات الافدرين نزلت السوق لهذا الغرض ..كالسيدوافدرين ((الميرابرونت)) و غيره ..وكلها تحمل نفس الخطورة ..
القسم الثانى :نباتات تزيد من معدل الحرق بزياده كفاءة اجهزة الجسم كلها يسمونها ((منبهات)) وهى لا تتعامل مع الجهاز المركزى فحسب بل مع الجسم ككل ...ومنها
*الشاى الأخضر : وهو من أأمن ما استخدم فى هذا الباب ..واكثر الاعشاب اجرى عليه ابحاث فى اوروبا و امريكا ...والاستخدام من قرون يدعم هذه الحقيقة العلمية ..و يعطى تاكيدا لامان استخدامه ..وهو بالطبع يحتوى على الكافيين الذى يدعم و ظيفته و كذلك الكاتيكينز التى ثبت علميا قوتها فى تحفيز حرق الدهون
*الجوارانا : وهى عشبة جميله وآمنه تحتوى ايضا على الكافيين وتزيد من معدل الحرق وقد رايت بنفسى عددا من الحالات فقدت نسبة جيدة من شحوم البطن وهى متوافرة فى الاسواق تحت مسمى تجارى من انتاج بعض الشركات الفرنسية و غيرها
*نبات الكولا ..وهو يعمل بنفس الطريقه ايضا
*قشر القهوة ..والقهوة كلها ..وهو مما اشتهر فى الخليج لهذ الغرض وهو بالطبع يعمل بنفس الكيفيه
*نبات الماتى الارجنتينى ..وهو يحتوى على الكافيين و يستخدمونه فى اوروبا لنفس الغرض
*المريمية ..وهى الم تكن تحتوى على كافيين الا انها تحتوى على الثوجون وهو منبه قوى للجسم و يستخدم فى علاج حالت الخمول و نحوه..بالاضافه لاحتوائه على فيتواستروجينز
*حصا اللبان ..منبه لوظائف الجسم من خلال احتوائه على السينيول وهو قوى فى تحفيز الجسم و لذا يدخل فى بعض روافع الضغط لهذا الغرض
*الشمر ..بما يحتويه من زيوت طيارة قويه وهو من اقوى كوابح الشاهية عن تجربه خاصة اذا استخدم مع الجوارانا ..وذات مرة كنت اعطى امراة تركيبة من الشمر و حصا اللبان و الجوارانا فكانت تشكو بسخونه شديدة بعد تناولها مما اكد من كفاءتها
البردقوش ..وهو منبه ايضا لما يحتويه على زيوت طياره ويعمل ايضا بطريقه اخرى ليست من هذا الباب
القسم الثالث : وهو بزيادة الحرق عن طريق رفع حرارة الجسم وهذه الأعشاب يسميها ممارسو الاعشاب بالمعرقات ..وهى تزيد حرارة الجسم درجة واحدة او ازيد ..مما يساعد على حرق الدهون ..وغالبا ما تكون محفزة للهضم ايضا ..ومنها
* الزنجبيل ..غنى عن التعريف
*اليارو او عشبة النجارين او ام الف ورقه
*الفلفل الاسود
*الشطة: وهى اقواها و انفعها فى هذا الباب ..وهى تزيد من الحرق و ايضا فى بعض الابحاث تقلل من الشاهية و ذلك ثابت بالتجربه
القسم الرابع : وهى الاعشاب التى تزيد من كفاءة غدة الثيرويد ..وهى من العوامل القويه فى زيادة الهدم و الحرق فى الجسم لانها تفرز هرمون الثيروكسين القوى فى ذلك وهى تزيد من معدل الحرق العام و تضبط الشاهيه بقوة ..و لكن تستخدم بحذر و تحت اشراف ...وهى عسبة الفوقس الحويصلى و هى عشب بحرى اسود اللون طبعا بعض الاعشاب تعمل بطريقه اخرى و لكنى ..لن استطرد لانى اردت تعريف فقط هذا الجزء ..وتعريف هذا المصطلح ..ومع انى اختصرت جدا ,الا انى آمل ان اكون قد افدتكم بطريه متخصصة اكثر ...ودمتم سالمين